სასამართლომ ქალის მიმართ ძალადობისთვის ყოფილი ქმარი დამნაშავედ სცნო და ერთწლიანი პატიმრობა მიუსაჯა. როგორც პროკურატურა ავრცელებს ინფორმაცია, სასამართლომ გაიზიარა წარდგენილი მტკიცებულებები.

"სასამართლო პროცესზე გამოკვლეული მტკიცებულებებით დადასტურდა, რომ ოჯახში ძალადობისთვის ნასამართლევი პირი სისტემატიურად აყენებდა სიტყვიერ და ფიზიკურ შეურაცხყოფას ყოფილ მეუღლეს", - აღნიშნავენ პროკურატურაში.

მოძალადე ყოფილი ქმარი სამართალდამცველებმა 2017 წლის 30 მაისს თბილისში დააკავეს. მას ბრალდება სისხლის სამართლის კოდექსის 1261-ე მუხლის პირველი ნაწილითა (ოჯახის ერთი წევრის მიერ ოჯახის სხვა წევრის მიმართ ძალადობა) და 111-151-ე მუხლის პირველი ნაწილით (ოჯახის ერთი წევრის მიერ ოჯახის სხვა წევრის მიმართ მუქარა) წარედგინა და აღკვეთის ღონისძიებად პატიმრობა შეეფარდა.