საფრანგეთის პოლიცია და ანტი-ტერორისტული საგამოძიებო ჯგუფები, მოსალოდნელი ტერაქტის შესახებ, ბელგიის სადაზვერვო სამსახურმა გააფრთხილა. როგორც AP წერს, მათი ინფორმაციით, ექსტრემისტების პატარა ჯგუფებმა სირია დატოვეს და საფრანგეთსა და ბელგიაზე თავდასხმას გეგმავენ.

დაზვერვის სამსახურმა სამართალდამცავ უწყებებს შეტყობინება უკვე გაუგზავნეს. საფრანგეთის ხელისუფლების განცხადებით ისინი ყოველთვის ფრთხილად არიან, რადგან მსგავსი შინაარსის ინფორმაციას ხშირად იღებენ.

მათივე განცხადებით, აღნიშნული ინფორმაცია არ შეცვლის საფრანგეთის მთავრობის საერთო ხედვას, მუქარასთან დაკავშირებით. საფრანგეთი უკვე იმყოფება განგაშის მაღალი დონის ქვეშ, რადგან ე.წ. ისლამურმა სახელმწიფომ პარიზზე თავდასხმა გასულ წელს განახორციელა და ასევე, ევროპის ჩემპიონატზე თავდასხმის შესახებ მუქარაც მიიღო.

ბელგიის უსაფრთხოების ანალიტიკური ცენტრის პრესსპიკერის განცხადებით, ქვეყანაში განგაშის დონე ისევეა შენარჩუნებულია, როგორიც აქამდე იყო:

"ჩვენ ჯერ კიდევ განგაშის მესამე დონეზე ვართ, რომელიც საკმაოდ მაღალია".