დრეს, 26 მარტს, სომხეთის ეროვნულმა ასამბლეამ მეორე მოსმენით დაამტკიცა კანონპროექტი ევროკავშირში ქვეყნის წევრობის პროცესის დაწყების შესახებ.

როგორც საინიციატივო ჯგუფის უფლებამოსილმა წარმომადგენელმა არტაკ ზეინალიანმა განაცხადა, ბოლო თვეების განმავლობაში, ცალსახა და მკაფიო სიგნალები გაჟღერდა ევროპის სხვადასხვა დედაქალაქისა და ინსტიტუტის ოფიციალური პირებისა და პარლამენტარების დონეზე ევროკავშირში სომხეთის გაწევრიანების პროცესის დაწყების მხარდასაჭერად.

"დოკუმენტის წინასიტყვაობაში ნათქვამია: "სომხეთი, რომლის მიზანია განავითაროს დემოკრატიული ინსტიტუტები, გააუმჯობესოს საზოგადოების კეთილდღეობა, გააძლიეროს ქვეყნის უსაფრთხოება, მდგრადობა და კანონის უზენაესობა, აცხადებს ევროკავშირში გაწევრიანების პროცესის დაწყებას", — აღნიშნა ზეინალიანმა.

როგორც სომხური მედია წერს, უახლოეს თვეებში იგეგმება ახალი პარტნიორობის დღის წესრიგის დამტკიცება, რომელიც მოიცავს მოკლევადიან, საშუალოვადიან და გრძელვადიან ქმედებებს ევროკავშირთან შემდგომი დაახლოებისკენ.

12 თებერვალს სომხეთის ეროვნულმა კრებამ პირველი მოსმენით დაამტკიცა კანონპროექტი ქვეყნის ევროკავშირში გაწევრიანების დაწყების შესახებ, ხოლო 3 მარტს პარლამენტის ევროპასთან ინტეგრაციის კომიტეტმა ტექნიკური მიზეზების გამო მეორე მოსმენით განხილვა გადადო.

ამავე თემაზე: