აშშ-ს ფედერალურმა მოსამართლემ განუსაზღვრელი ვადით დაბლოკა USAID-ის გაუქმება. სასამართლოს გადაწყვეტილებით, თეთრი სახლის მთავრობის ეფექტურობის დეპარტამენტს (DOGE), რომელსაც ილონ მასკი ხელმძღვანელობს, არ შეუძლია გაწყვიტოს USAID-ის კონტრაქტები ან გრანტები და გაათავისუფლოს ან გაუშვას თანამშრომლები ადმინისტრაციულ შვებულებაში. ამის შესახებ CNN წერს.

"მილიარდერმა ილონ მასკმა, როგორც ჩანს, გადააჭარბა აღმასრულებელი ხელისუფლების უფლებამოსილებას თავისი მთავრობის ეფექტურობის დეპარტამენტით," — განაცხადა ფედერალურმა მოსამართლემ თეოდორ დ. ჩუანგმა სამშაბათს, როდესაც მან განუსაზღვრელი ვადით დაბლოკა USAID-ის გაუქმება.

"სასამართლო ადგენს, რომ ბრალდებულების ცალმხრივი ქმედებები USAID-ის დახურვის შესახებ, სავარაუდოდ, არღვევდა შეერთებული შტატების კონსტიტუციას", — თქვა მოსამართლე თეოდორ დ. ჩუანგმა მერილენდის საოლქო სასამართლოდან.

მისი თქმით, DOGE-ს არ შეუძლია შეწყვიტოს USAID-ის კონტრაქტები ან გრანტები, არც შეუძლია გაათავისუფლოს ან გაუშას შვებულებაში თანამშრომლები. მან ასევე აუკრძალა DOGE-ს სააგენტოში დაცული თანამშრომლების სენსიტიური პერსონალური მონაცემების გაზიარება, რაც მთავარი გამარჯვებაა ჯგუფებისთვის, რომლებიც ფართოდ აპროტესტებენ მასკის როლს ფედერალურ მთავრობაში.

CNN წერს, რომ გადაწყვეტილება, რომელიც DOGE-ს აღნიშნულ შეზღუდვებს უყენებს, ერთ-ერთი პირველი და ძირითადი გადაწყვეტილებაა, რომელიც, აშშ-ს კონსტიტუციაზე დაყრდნობით, ზღუდავს მასკის როლს ფედერალურ მთავრობაში.

"დღევანდელი გადაწყვეტილება მნიშვნელოვანი გამარჯვებაა ელონ მასკსა და DOGE-ის თავდასხმზე USAID-ზე, აშშ-ის მთავრობასა და კონსტიტუციაზე.

ისინი სკალპელის ნაცვლად ოპერაციას ელექტრო ხერხით ატარებენ, რაც ზიანს აყენებს არა მხოლოდ იმ ადამიანებს, რომლებსაც USAID ემსახურება, არამედ ამერიკელთა უმრავლესობას, რომლებსაც ჩვენი მთავრობის სტაბილურობის იმედი აქვთ", — თქვა სახელმწიფო დემოკრატიის დამცველთა ფონდის აღმასრულებელი თავმჯდომარემ ნორმა ეიზენმა.

მოსამართლე გადაწყვეტილება თეთრმა სახლმაც გააკრიტიკა.

"თაღლითი მოსამართლეები არღვევენ ამერიკელი ხალხის ნებას, რათა ხელი შეუშალონ პრეზიდენტ ტრამპს მისი დღის წესრიგის შესრულებაში. თუ ამ მოსამართლეებს სურთ თავიანთი პარტიული იდეოლოგიები მოახვიონ თავზე მთავრობას, მათ თავად უნდა იყარონ კენჭი", — თქვა თეთრი სახლის პრესსპიკერმა, ანა კელიმ.

პრეზიდენტმა დონალდ ტრამპმაც გააკრიტიკა მოსამართლის გადაწყვეტილება. მან Fox News-თან ინტერვიუში განაცხადა, რომ მისი ადმინისტრაცია აპირებს გადაწყვეტილების გასაჩივრებას.

"ჩვენ ამას გავასაჩივრებთ, ჩვენ გვყავს თაღლითი მოსამართლეები, რომლებიც ანგრევენ ჩვენს ქვეყანას", — განუცხადა ტრამპმა Fox News-ს.

ამავე თემაზე:

სამანტა პაუერი: USAID-ის მკვლელობა ყველგან ავტოკრატიის გამარჯვებას ნიშნავს

მამუკა მდინარაძე: USAID-ის მიერ დაფინანსებული აგენტურის ქართული ნაწილი ემსახურება დიფ სთეითს, დიფ სთეითი — ოლიგარქიულ გავლენებს

მოსამართლემ დროებით შეაჩერა USAID-ის ათასობით თანამშრომლის გათავისუფლების გადაწყვეტილება

ტრამპის ადმინისტრაცია აპირებს, USAID-ის 10 000 თანამშრომლიდან 294 დატოვოს, დანარჩენი კი სამსახურიდან გაათავისუფლოს

Reuters: ტრამპის ადმინისტრაცია USAID-ის თანამშრომლებს ადმინისტრაციულ შვებულებაში უშვებს

ტრამპი USAID-ის სახელმწიფო დეპარტამენტისთვის მიერთებას გეგმავს — რა ხდება

CNN: USAID-ის დირექტორის მოვალეობას აშშ-ის სახელმწიფო მდივანი შეასრულებს