7 მარტს აიუფ ბორჩაშვილს სასამართლომ 14 წლით თავისუფლების აღკვეთა მიუსაჯა.

სოფელ ჯოყოლას იმამი 14 ივნისს უცხო ქვეყნის ტერორისტულ ორგანიზაციაში გაერთიანებისთვის, ტერორისტულ საქმიანობაში დახმარებისა და ტერორისტულ ორგანიზაციაში გასაწევრიანებლად პირების გადაბირების ბრალდებით დააკავეს.

ბორჩაშვილთან ერთად დაკავებული იყო 2 პირი, რომლებსაც 328-ე მუხლით ჰქონდათ წაყენებული ბრალდება, რაც ტერორისტულ ორგანიზაციაში გაერთიანებას, ან ტერორისტულ საქმიანობაში დახმარებას გულისხმობს. მათ მხოლოდ ისლამურ სახელმწიფოს წევრობა დაუმტკიცდათ და 10 და 11 წლით თავისუფლების აღკვეთა მიესაჯათ.

აიუფ ბორჩაშვილის ადვოკატი გელა ნიკოლაიშვილი მიიჩნევს, რომ ეს განაჩენი უკანონოა, რადგან ბრალმდებლებს არ ჰქონდათ არც ერთი უტყუარი მტკიცებულება.