შვედეთის საგარეო საქმეთა სამინისტრო საქართველოში უწყვეტი პროტესტის მე-100 დღესთან დაკავშირებით პოსტს აქვეყნებს. სამინისტრო მხარდაჭერას უცხადებს მომიტინგეებს და წერს, რომ შვედეთი ქართველების შეკრებისა და გამოხატვის თავისუფლების მხარდაჭერას აგრძელებს.

"დღეს საქართველოში პროტესტის მე-100 დღეა, მიუხედავად ძალადობის, დაკავებებისა და ახალი მკაცრი კანონებისა. შვედეთი აგრძელებს ქართველების მშვიდობიანი შეკრებისა და გამოხატვის თავისუფლების მხარდაჭერას. ქართველმა თანამდებობის პირებმა დაუყოვნებლივ უნდა გადადგან ნაბიჯები, რათა იპოვონ გამოსავალი ამ კრიზისიდან და უზრუნველყოს ადამიანის უფლებების პატივისცემა", — ვკითხულობთ X-ზე გამოქვეყნებულ პოსტში.