კიევის ცენტრში ქართულნომრიანი ავტომობილი აფეთქდა, რის შედეგადაც ერთი ადამიანი გარდაიცვალა, ხოლო ორი დაშავდა, წერს Unian.

როგორც უკრაინის შინაგან საქმეთა სამინისტროში ამბობენ, გარდაცვლილი არის საქართველოს მოქალაქე, ეროვნებით ჩეჩენი თემურ მახაური:

"ის საკმაოდ ცნობილია კრიმინალურ წრეებში და მას თემურ მახაური ჰქვია. ის საქართველოს მოქალაქეა და ჩეჩნურ წრეებთან მჭიდრო ურთიერთობები ჰქონდა."

ადგილობრივი მედიის ცნობით, ავტომობილში, ასევე, იმყოფებოდნენ ქალი და ბავშვი. ქალი მძიმე დაზიანებებით საავადმყოფოშია გადაყვანილი და მას, სავარაუდოდ, ფეხის ამპუტაცია დასჭირდება, ხოლო ბავშვის მდგომარეობა დამაკმაყოფილებელია.

გამოძიება განზრახ მკვლელობის მუხლით მიმდინარეობს, მაგრამ უკრაინის შსს-ს ცნობით, საქმემ შესაძლოა ტერორიზმის კვალიფიკაცია მიიღო.

დამატებითი ინფორმაციის მისაღებად On.ge უკრაინაში, საქართველოს საელჩოში ამ დრომდე ცდილობს დარეკვას.