აშშ-ს იუსტიციის დეპარტამენტის დროებით ხელმძღვანელი თანამშრომლებს "არსასურველი შედეგებით", იმ შემთხვევაში თუ ისინი არ წარადგენენ ინფორმაციას მრავალფეროვნების, თანასწორობისა და ინკლუზიურობის პროგრამების შესახებ. ამის შესახებ გამოცემა Bloomberg-ი, მის მიერ ნანახი დოკუმენტების მიხედვით წერს.

გადაწყვეტილება უკავშირდება დონალდ ტრამპის განცხადებას, რომელიც ე.წ. "DEI პროგრამების" [Diversity — მრავალფეროვნება, Equity — თანასწორობა, Inclusion — ინკლუზიურობა] გაუქმებას გულისხმობს.

აშშ-ის პრეზიდენტმა, დონალდ ტრამპმა იუსტიციის დეპარტამენტის დროებით ხელმძღვანელად ჯეიმს მაკჰენრიმ დანიშნა, რომელმაც განაცხადა, რომ DEI-ს ყველა ოფისის დახურვისა და ამ პროგრამებთან დაკავშირებული კონტრაქტების დასრულებისთვის, დეპარტამენტი ყველა შესაბამის ნაბიჯებს დგამს.

"ამ პროგრამებმა ამერიკელები რასის მიხედვით დაყვეს, გაფლანგეს გადასახადების გადამხდელების ფული და გამოიწვიეს სამარცხვინო დისკრიმინაცია", — განაცხადა მაკჰენრიმ. იგი იმ დრომდე იქნება იუსტიციის დეპარტამენტის ხელმძღვანელის ფუნქციების შემსრულებელი, სანამ სენატი ტრამპის მიერ წარდგენილ კანდიდატს თანამდებობაზე დაამტკიცებს.

ამასთან მაჰკენრი აცხადებს, რომ ცნობილია "ზოგიერთი მცდელობის შესახებ, რომ პროგრამების შესანიღბად გამოიყენონ კოდირებული ან არასრული ტერმინები". მანვე დაავალა თანამშრომლებს, რომ ყველა ის პროგრამა, რომლის სახელწოდება შესაძლოა მალავდეს კავშირს DEI-სა ან მსგავს იდეოლოგიასთან, გამოავლინონ 10 დღის განმავლობაში.

"დაგვიანებული ინფორმაციის მოხსენების შემთხვევაში მოსალოდნელია არასასურველი შედეგები", — განაცხადა მაკჰენრიმ.

ენდრიუ ფერგიუსონმა, ფედერალური სავაჭრო კომისიის თავმჯდომარემ, ასევე განაცხადა, რომ ინკლუზიურობისა და შესაძლებლობების ოფისი დაიხურება და DEI მასალები ჩამოიწერება FTC-ის ვებგვერდიდან. მან პროგრამებს "სახიფათო ტვირთი" და "მავნე იდეოლოგია" უწოდა.

ცნობისთვის, გუშინ 22 იანვარს გახდა ცნობილი, რომ ტრამპის ადმინისტრაციის ბრძანებით, ფედერალური მრავალფეროვნების, თანასწორობისა და ინკლუზიის (DEI) ყველა ოფისი და პროგრამა გაუქმდა და ამ მიმართულებით დასაქმებულ ყველა ფედერალურ თანამშრომელი ანაზღაურებად შვებულებაში გაუშვეს.

იმ დოკუმენტის მიხედვით, რომელიც პერსონალური მართვის ოფისმა გამოაქვეყნა, ფედერალური უწყებების ხელმძღვანელობისთვის გაცემულია დავალება, რომლებმაც უნდა აცნობონ თანამშრომლებს აღნიშნული ცვლილებების შესახებ და მიიღონ ზომები, რათა ყველა DEI პროგრამა გაუქმდეს.

აშშ-ის პრეზიდენტი ასევე ამბობს, რომ მისი ბრძანება "რადიკალური და უსარგებლო პროგრამების" დასრულებას ისახავს მიზნად, რომლებიც ფედერალური მთავრობის თითქმის ყველა სფეროში დისკრიმინაციას ახალისებენ.