პარტია "საქართველოსთვის" თავმჯდომარე, გიორგი გახარია პროკურატურაში, ბათუმის სასტუმრო "შერატონში" მასზე განხორციელებული ძალადობის საქმესთან დაკავშირებით გამოკითხვაზე იმყოფებოდა.

გახარიას პროკურატურის დატოვების შემდეგ მედიასთან კომენტარი არ გაუკეთებია. მისი თქმით, მედიასთან ვრცელ განმარტებას ის ხვალ გააკეთებს.

გიორგი გახარიას ბათუმში, სასტუმრო "შერატონში", სავარაუდოდ, ქართული ოცნების დეპუტატები თავს დაესხნენ, რის შემდეგაც ის კლინიკაში გადაიყვანეს, სადაც მას ცხვირის ძვლის მოტეხილობა და ტვინის შერყევა დაუდგინდა.

როგორც ჟურნალისტი გელა მთივლიშვილის წერს, გახარიაზე თავდამსხმელებს შორის იყვნენ: ოცნების დეპუტატი დიმიტრი სამხარაძე და აჭარის ფინანსთა და ეკონომიკის მინისტრის მოადგილე გიორგი მანველიძე. მანამდე, გიორგი მანველიძე შერატონის ფოიეში ჟურნალისტ ზვიად ქორიძეს დაესხა თავს.