ლეგენდარული ამერიკული სერიალის, Friends-ის მსახიობი კორტნი კოქსი ერთ-ერთ ჟურნალთან ინტერვიუში საკუთარ ასაკსა და პლასტიკურ ოპერაციებზე საუბრობს.

"თუ ვიტყვი დაბერება მარტივია-მეთქი ტყუილი გამოვა, პირიქით ამასთან შეგუება ძალიან რთულია, თუმცა ერთი პლუსი აქვს, ბევრს სწავლობ. დიდი ხნის განმავლობაში ვცდილობდი შემეჩერებინა დაბერების პროცესი და ბევრი შეცდომა დავუშვი, ხანდახან როდესაც საკუთარ თავს ვუყურებ ხანდახან ვფიქრობ, ნუთუ ეს მე ვარ? ასე საშინლად გამოვიყურები? მაგრა ამასობაში ისიც ვისწავლე, რომ უნდა მოდუნდე და მიიღო ის, რაც სინამდვილეში არის", ამბობს 53 წლის კოქსი.

კორტნი ასაკის მატების დადებით მხარეზეც საუბრობს და აღიარებს, რომ მიუხედავად ყველაფრისა ახლა თავს ყველაზე უკეთ გრძნობს.

"53 წლის ვარ და სიმართლე გითხრათ, თავს 34 წლის გოგოსავით ვგრძნობ. ისე კარგად, როგორც ახლა ვარ, არასდროს მიგრძნია თავი, თუნდაც იმიტომ, რომ ახლა საკუთარი თავისთვის გაცილებით მეტი დრო მაქვს.", აღიარებს მსახიობი.

კორტნი კოქსი საკუთარ შვილზეც საუბრობს:

"ხანდახან ვზივარ და ვუყურებ ჩემს შვილს, კოკოს და ვფიქრობ, ღმერთო მალე ბებიაც გავხდები? მერე ვზივარ და ვიცინი ამაზე რადგან ის ჯერ მხოლოდ 12 წლის არის. ძალიან მგავს და ბევრ რამეს ვსწავლობ მისგან"

რაც შეეხებათ მის პარტნიორებს სერიალიდან Friends, როგორც ჰოლივუდის ვარსკვლავი ამბობს მათთან დღემდე კარგი ურთიერთობა აქვს.

"მათ გარეშე თითქმის არც ერთი დღე გადის, მე და ჯენიფერი თითქმის ყოველ დღე ვსაუბრობთ ტელეფონით, ხანდახან ისტერიულად ვურეკავთ და ვწერთ ერთმანეთს, იგივე ხდება ლიზა კუდროუს შემთხვევაშიც, ძალიან ხშირად ვხვდებით ერთმანეთს. ის რაც ჩვენ გვაქვს ჩემი აზრით ნამდვილად სამაგალითოა", ამბობს კორტნი.