რესპუბლიკელი კონგრესმენი, ჯო უილსონი, X-ზე გამოეხმაურა ემანუელ მაკრონის განცხადებას, რომელშიც საფრანგეთის პრეზიდენტმა საქართველოს საპარლამენტო არჩევნებში რუსეთის ჩარევაზე ისაუბრა და აღნიშნა, რომ გამოსავალი, შესაძლოა, ახალი არჩევნები იყოს.

ემანუელ მაკრონმა 6 იანვარს განაცხადა, რომ რუსეთი მეზობლების მიმართ უფრო აგრესიული გახდა, რაც საქართველოში არჩევნების დესტაბილიზაციით გამოიხატა.

"ემანუელ მაკრონის მადლობელი ვარ, რომ მხარი დაუჭირა ქართველი ხალხისა და სალომე ზურაბიშვილის მოთხოვნას თავისუფალ და სამართლიან არჩევნებზე. მოუთმენლად ველი, რომ დონალდ ტრამპთან ერთად იმუშავებს, რათა ეს რეალობად აქციოს!", — ვკითხულობთ ჯო უილსონის პოსტში.