10 ადამიანი დაიღუპა და 30 დაშავდა მას შემდეგ, რაც ნიუ ორლეანში მანქანა ხალხში შევარდა. ინფორმაციას CNN ავრცელებს.

ნიუ ორლეანის საგანგებო სიტუაციებისთვის მზადყოფნის სააგენტოს ცნობით, ნიუ ორლეანის ფრანგულ კვარტალში ათი ადამიანი დაიღუპა და 30 მას შემდეგ დაშავდა, რაც ფრანგულ კვარტალში მანქანა ხალხში შევარდა.

"ინციდენტს დიდი მსხვერპლი მოჰყვა და მასში მონაწილეობდა მანქანა, რომელიც შეეჯახა ხალხს Canal-სა და Bourbon Street-ზე. არის 30 დაშავებული, რომლებიც გადაიყვანა NOEMS-მა (ნიუ ორლეანის სასწრაფო სამედიცინო სამსახურის). ადგილზე დაიღუპა 10 ადამიანი. ადგილზე მუშაობენ საზოგადოებრივი უსაფრთხოების სამსახურები", — ნათქვამია სააგენტოს მიერ გავრცელებულ ინფორმაციაში.