თბილისის სამედიცინო უნივერსიტეტის სტუდენტები პროევროპული მარშების სერიებს შეუერთდნენ და ვაკის პარკიდან მსვლელობის გასამართად შეიკრიბნენ.

სტუდენტები ადგილზე ბანერებით ხელში იმყოფებიან წარწერით: "სწავლა გვაცადეთ, თორემ ჩვენი სამკურნალოები იქნებით", "მხოლოდ სამედიცინო უნივერსიტეტს აქვს უფლება 12 წელი გვაწვალოს".

მარშის მონაწილეების მოთხოვნაა გათავისუფლდნენ აქციების პერიოდში დაკავებული მოქალაქეები და დაინიშნოს ახალი არჩევნები.

სტუდენტები აპირებენ ვაკის პარკიდან პარლამენტამდე მარშით მივიდნენ, სადაც მოქალაქეები უკვე 27-ე დღეა პროტესტის ნიშნად იკრიბებიან.

შეგახსენებთ მასშტაბური აქციები "ქართული ოცნების“ 28 ნოემბრის გადაწყვეტილებამ გამოიწვია, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.