გასულ ღამეს აქტივისტი ნიკო მანაგაძე დააკავეს, — ინფორმაციას სოციალურ ქსელში აქტივისტის ადვოკატი ავრცელებს.

ადვოკატის ინფორმაციით, მანაგაძე ადმინისტრაციული წესით არის დაკავებული, კერძოდ, 173-ე მუხლის პირველი ნაწილით, რაც პოლიციის მოთხოვნისადმი დაუმორჩილებლობასა და პოლიციის შეურაცხყოფას გულისხმობს.

"ნიკოს მიმათ განხორციელდა არა დაკავება, არამედ გატაცება. ფიზიკურად დააკავეს სამოქალაქო ფორმაში ჩაცმულმა ნიღბიანმა პირებმა. მასთან შევიდა ერთ-ერთი პირი და უხეშად ეუბნებოდა, თუ რატომ დადის აქციებზე და როდემდე აპირებს ასე გაგრძელებას. ნიკოს პასუხი უკვე იზოლატორიდან არის, რომ ის არ აპირებს დანებებას და არის მხნედ", – აცხადებს ადვოკატი.

რაც შეეხება მანაგაძის ჯანმრთელობის მდგომარეობას, როგორც პატარიძე ამბობს, აქტივისტი ნაცემი არ არის.