დღეს, 11 დეკემბერს საჯარო უწყებებში დასაქმებულთა მარშის მონაწილეები თსუ-სთან და რესპუბლიკის მოედანზე შეიკრიბებიან.
თსუ-ს პირველი კორპუსიდან მარში 19:00 საათიდან დაიწყება, რის შემდეგაც შეკრებილები მსვლელობით რესპუბლიკის მოედნისკენ წავლენ.

"მოქმედმა და ყოფილმა საჯარო მოსამსახურეებმა ერთად გამოვხატოთ ევროპული მომავლისკენ სწრაფვა, ოთხშაბათს 11 დეკემბერს, საღამოს 20:00 საათზე მსვლელობით რესპუბლიკის მოედნიდან პარლამენტის შენობამდე!!!", — ნათქვამია გავრცელებულ ინფორმაციაში.

კონსტიტუციონალისტმა, ვახუშტი მენაბდემ საზოგადოებას მოუწოდა, რომ 19:00-ზე თსუ-ს პირველ კორპუსთან მოვიდნენ და იქიდან შეუერთდნენ რესპუბლიკის მოედანზე დაანონსებულ საჯარო მოხელეთა მარშს.

"ოცნება მამაც ხალხს ემუქრება. თსუ-სთან მოდით და მერე შევუერთდეთ სოლიდარობის მსვლელობით საჯარო მოხელეთა მარშს", — წერს სოციალურ ქსელში ვახუშტი მენაბდე.

მარში

მარში