თსუ-ს სტუდენტების თქმით, თბილისის სახელმწიფო უნივერსიტეტის რექტორი, ჯაბა სამუშია მათ შეხვედრაზე დათანხმდა.

მათივე ინფორმაციით, რექტორს შეხვდება უნივერსიტეტის ათი სტუდენტი და მათ მოთხოვნებს მოისმენს, ამასთან, რექტორი დათანხმდა, რომ სტუდენტებმა შეხვედრის მიმდინარეობა, მათი რესურსით პირდაპირ ეთერის საშუალებით აწარმოონ.

შეხვედრა სტუდენტებსა და თსუ-ს რექტორს შორის იგეგმება 19:00 საათზე.

ცნობისთვის, მანამდე სტუდენტებმა თსუ-ს ეზოში გააჟღერეს მოთხოვნები და ითხოვენ ქვეყანაში ხელახალი არჩევნების ჩატარებას, თსუ-ს ადმინისტრაციის მიერ სწავლის პროცესის შეჩერებას და რომ თსუ-ს ცენტრალური შესასვლელი მომიტინგეებისა და დაშავებულებისთვის ხელმისაწვდომი გახდეს.