ქართველი მებრძოლი, სპარტაკ ლეკიაშვილი, რომელიც უკრაინაში ომში დაიჭრა, ხოლო მკურნალობის კურსს საფრანგეთში გადიოდა — გარდაიცვალა.

აღნიშნული ინფორმაცია მედია ინტერპრესნიუსთან დაადასტურა საგარეო საქმეთა სამინისტრომაც, რომლის ცნობით, ამ ეტაპზე ცხედრის გადმოსვენების პროცედურები მიმდინარეობს.

ლეკიაშვილი გასული წლის მაისში, ბახმუტის დაბომბვის დროს დაიჭრა. თავდაპირველად იგი უკრაინაში გადიოდა მკურნალობას, მოგვიანებით საქართველოში, საბოლოოდ კი საფრანგეთში გადაიყვანეს.