საქართველოს პრეზიდენტი, სალომე ზურაბიშვილი ევროკომისიის პრეზიდენტს, ურსულა ფონ დერ ლაიენს ესაუბრა.

როგორც ფონ დერ ლაიენის პოსტიდან ვიგებთ, მათ საქართველოს არჩევნების ირგვლივ არსებულ ვითარებაზე ისაუბრეს.

"ახლახან ვესაუბრე პრეზიდენტ ზურაბიშვილს. არჩევნებთან დაკავშირებული ვითარება კვლავ შემაშფოთებელია. თუ საქართველოს ევროკავშირის მიმართულებით სტრატეგიული ორიენტაციის შენარჩუნება უნდა, ხელმძღვანელობისგან კონკრეტული ნაბიჯები გვჭირდება. ჩვენი გაფართოების ანგარიში ამ გზას აჩვენებს", — ვკითხულობთ ევროკომისიის პრეზიდენტის პოსტში.