BBC-ის ინფორმაციით, აშშ-ის ოფიციალური პირები მოსახლეობას ერთ-ერთი ყველაზე ძლიერი, მეოთხე კატეგორიის, ქარიშხლის — "მილტონის" შესახებ აფრთხილებენ, რომელიც ფლორიდის სანაპიროსკენ მიემართება.

ქარიშხლების ეროვნული ცენტრის (NHC) უახლესი პროგნოზით, მილტონის" ფლორიდას ხუთშაბათს, 06:00 საათისთვის მიუახლოვდება.

NHC-ის ინფორმაციით, ქარიშხალი, შესაძლოა, ფლორიდის ქალაქ სარასოტასთან მიახლოებამდე მეოთხე დონის სიმძლავრიდან მესამე დონემდე ჩამოქვეითდეს.

გავრცელებული ინფორმაციით, "მილტონმა" შეიძლება ქალაქ ტამპასაც გადაუაროს, სადაც სამი მილიონი ადამიანი ცხოვრობს. სინოპტიკოსები კოკისპირულ წვიმას, წყალდიდობას, ძლიერ ქარს ვარაუდობენ.

სინოპტიკოსების განმარტებით, "მილტონი", შესაძლოა, ყველაზე ძლიერი და დამანგრეველი ქარიშხალი იყოს, რომელიც სამხრეთ-აღმოსავლეთ ამერიკას ბოლო ერთი საუკუნის განმავლობაში დაატყდა თავს. მისი სიმძლავრე მეხუთე დონემდე მერყეობდა.

"მილტონი", ქარიშხალ "ჰელენიდან" მალევე, ორი კვირის შემდეგ, დაატყდა აშშ-ს თავს. შეგახსენებთ, რომ "ჰელენმა" დიდი ზიანი მიაყენა აშშ-ის სამხრეთ-აღმოსავლეთ მხარეს.