საქართველოს პრეზიდენტმა, სალომე ზურაბიშვილმა, უცხოეთში მხოლოდ 60 საარჩევნო უბნის გახსნის ფაქტი გააკრიტიკა და ამას კანონის უგულებელყოფა, საარჩევნო უფლების უარყოფა და სისხლის სამართლის საქმე უწოდა.

ცენტრალურმა საარჩევნო კომისიამ 2024 წლის საპარლამენტო არჩევნებისთვის 42 ქვეყანაში 60 უბანი გახსნა.

კომისიის განცხადებით, წელს იმაზე მეტი უბანი იხსნება, ვიდრე 2020 წელს იყო, მათ შორის, ისეთ ქვეყნებში, სადაც უბანი ადრე არასდროს ყოფილა – არაბთა გაერთიანებულ საამიროებში, ფინეთში, კორეაში, იაპონიასა და ავსტრალიის თანამეგობრობაში.

შედარებისთვის, მოლდოვამ უცხოეთში 228 საარჩევნო უბანი გახსნა.