აჰმედ იმამკულიევი ერთიანი ნაციონალური მოძრაობის თავმჯდომარე თინა ბოკუჩავას სიიდან დაუყოვნებლივ ამოშლას სთხოვს. ის აცხადებს, რომ ენმ-მ საპარლამენტო სიაში მისი სახელი და გვარი თანხმობის გარეშე ჩაწერეს.

იმამკულიევმა რადიო მარნეულთან საუბრისას განაცხადა, რომ ევროპული საქართველოს დატოვების შემდგომ მან ენმ-დან მიიღო შეთავაზება. აცხადებს, რომ პარტიას იმ შემთხვევაში დასთანხმდა მათ საპარლამენტო სიაში ყოფნაზე, თუ სიის პირველი 22 ადგილიდან ერთ-ერთს დაიკავებდა.

"აქედან მივმართავ პარტია ერთიანობა ნაციონალური მოძრაობას თავმჯდომარეს ქალბატონ თინა ბოკუჩავას, სასწრაფოდ გამოიყვანეთ ჩემი სახელი თქვენი საპარლამენტო სიიდან", — წერს აჰმედ იმამკულიევი საკუთარ Facebook გვერდზე.

მისი თქმით, ის ერთიანობა-ნაციონალური მოძრაობის პარტიამ საპარლამენტო სიაში თანხმობის გარეშე შეიყვანა.

"ჩემი თანხმობის გარეშე, ჩემი სახელი შეუტანიათ ერთიანობა-ნაციონალური მოძრაობას საპარლამენტო სიაში. ვინც დაწერა ჩემი სახელი თქვენი საპარლამენტო სიაში და იფიქრა რომ მე ამით შეურაცხყოფა მომაყენოს ან ვითომ დამჩაგრავს, ის პირველ რიგში არის უპასუხისმგებლო არარაობა", — წერს იმამკულიევი.