კითხვაზე, მერად არჩევის შემთხვევაში, დასაქმდება თუ არა მერიაში თავისი თანაპარტიელი, თბილისის ყოფილი მერი გიგი უგულავა, ელენე ხოშტარია ამბობს, რომ ეს არ მოხდება. მერობის კანდიდატმა ამის შესახებ On.ge-სთან ინტერვიუში ისაუბრა:

"მას რომ ჰქონდეს განაცხადი, რომ ის აპირებს მერიაში მოსვლას, მაშინ ის იქნებოდა კანდიდატი. ჩვენი პოზიცია არის, რომ კანდიდატი ვარ მე და საერთოდ არც განიხილება ეს საკითხი."

ამავე ინტერვიუში ელენე ხოშტარიამ იმ საკითხებზეც ისაუბრა, რაც მისი აზრით, უგულავას თბილისის მერის პოსტზე მუშაობისას პრობლემური იყო. თბილისის მერობის კანდიდატის მოსაზრებით, არასწორი პოლიტიკა იყო და არის თბილისის განაშენიანებასთან დაკავშირებით, რამაც ქალაქს გამოუსწორებელი პრობლემები დაუტოვა. გარდა ამისა, ის მიიჩნევს, რომ უგულავა, ისევე როგორც დედაქალაქის ამჟამინდელი მთავრობა, სათანადოდ ვერ გაუმკლავდა ქალაქში პარკირების პრობლემას.