კოალიცია მედიის ადვოკატირებისთვის 2016 წლის 10 ივნისს, თბილისის სააპელაციო სასამართლოს მიერ გამოტანილი გადაწყვეტილების შესახებ, აცხადებს რომ ყველაზე გავლენიანი მედიასაშუალების ბედის გადაწყვეტამ სასამართლო პროცესის მიმართ უნდობლობის ფონზე, შესაძლოა არა მხოლოდ მედია და წინასაარჩვენო გარემოზე იმოქმედოს უარყოფითად, არამედ სამართლებრივი სივრციდან გაიყვანოს პროცესი.

კოალიციის განცხადებით, უზენაეს სასამართლოს აქვს შანსი განსახილველად მიიღოს რუსთავი 2-ის საქმე და ნდობა აღადგინოს პროცესის მიმართ. რადგან ქვედა ინსტანციებში სახეზე იყო არაერთი გარემოება, რომელიც აჩენდა ლეგიტიმურ ეჭვს სასამართლოს მიუკერძოებლობასთან დაკავშირებით, მნიშვნელოვანია, უზენაესმა სამართლომ მიმართოს ყველა ზომას, რომ უზრუნველყოფილ იქნას საქმის განხილვა სამართლიანი სასამართლოს უფლების სრული დაცვით.

განცხადებას ხელს აწერენ კოალიცია მედიის ადვოკატირებისთვის წევრები:

  • საქართველოს ახალგაზრდა იურისტთა ასოციაცია (საია);
  • საქართველოს ჟურნალისტური ეთიკის ქარტია;
  • ინფორმაციის თავისუფლების განვითარების ინსტიტუტი (IDFI)
  • ფონდი „ღია საზოგადოება საქართველო“;
  • რეგიონულ მაუწყებელთა ქსელი;
  • რეგიონული მედიის ასოციაცია;
  • საქართველოს რეგიონულ მაუწყებელთა ასოციაცია (GARB);
  • მედიაკლუბი;
  • არასამთავრობო ორგანიზაცია „სამოქალაქო საზოგადოებისათვის“
  • ლევან მიქელაძის სახელობის ფონდი;
  • მედიის მხარდაჭერის ფონდი;
  • სამოქალაქო განვითარების ინსტიტუტი.