დღეს, 10 ივნისს, რუსეთის საგარეო საქმეთა მინისტრმა განაცხადა, რომ მოსკოვი ამერიკულს საზღვაო ხომალდის შავ ზღვაში შესვლას, რომელიც იქ მათთვის უცნობი მიზეზით იმყოფება, უპასუხოდ არ დატოვებს. ამის შესახებ როიტერი იუწყება.

სერგეი ლავროვის თქმით, აღნიშნული ფაქტი ნატოს სამიტის წინ დაძაბულობას ზრდის.

რუსეთის სახელმწიფო მედიის ცნობით, USS Porter, ამერიკის სამხედრო-საზღვაო გამანადგურებელი, შავ ზღვაში რამდენიმე დღის წინ შევიდა და ამერიკის ამ ნაბიჯმა მოსკოვი ძალიან გააბრაზა, რადგან ცოტა ხნის წინ მან ახალი სარაკეტო სისტემა დაამონტაჟა.

ამერიკის საზღვაო ძალის წარმომადგენლებმა ჟურნალისტებს განუცხადეს, რომ აშშ-ს სამხედრო ძალა ორ ავიაგადამზიდ გემს ამ თვეში ხმელთაშუა ზღვაშიც განათავსებს, რათა ივლისში, ვარშავაში დაგეგმილ ნატოს სამიტამდე რუსეთის სამხედრო აქტივობები დააბალანსონ.