რობერტო ორსი, Star Trek-ისა და Transformers-ის ფრენჩაიზების სცენარისტი, ცოლმა სისტემატურად ცემასა და სექსუალურად შევიწროებაში დაადანაშაულა.

ორსის ცოლი, ადელ ჰეზერ ტეილორი, რომელიც მსახიობია და ისეთ ფილმებში აქვს მონაწილეობა მიღებული, როგორებიცაა The Blacklist, Hail, Caesar! და ა.შ., ამტკიცებს, რომ ორსის ბიპოლარული აშლილობა სჭირს, ალკოჰოლიკია და ძალადობრივი აგრესიის შემოტევები აქვს. ტეილორის განცხადებაში ნათქვამია, რომ ქმარი სიტყვობრივ შეურაცხყოფას აყენებდა, მთელ სახლში ათრევდა თმით და სცემდა, რის შემდეგაც მთელს სხეულზე ჰქონდა ჩალურჯებები.

ტეილორის ადვოკატების მიერ მომზადებული განცხადებიდან ირკვევა, რომ 2022 წლის მაისში ორსი ცოლს თავიანთ ეზოში გაეკიდა, მიწაზე დააგდო და გაუპატიურებით დაექმურა, ივნისში კი მასზე სექსუალურად იძალადა და ეუბნებოდა, რომ ტეილორს სიამოვნებდა, როცა აუპატიურებდა.

ტეილორმა ერთ-ერთ მტკიცებულებად წარადგინა ორსისთან სატელეფონო საუბრის ჩანაწერი, სადაც სცენარისტი ცოლს ეუბნება, რომ მას არავინ დაუჯერებს და როგორც უნდა, ისე მოექცევა.

თავის მხრივ, რობერტო ორსიც უჩივის ცოლს. მისი თქმით, ტეილორმა ისარგებლა მისი ალკოჰოლთან დაკავშირებული პრობლემებითა და სუსტი მდგომარეობით და ფულის გამოძალვას ცდილობდა.