"სასტუმრო ენერგიული მოგზაურებისთვის, რომლებიც ეძებენ არა მხოლოდ საცხოვრებელ ადგილს, არამედ დასამახსოვრებელ გამოცდილებას", — ასე აღწერენ გამორჩეული კონცეფციის მქონე სასტუმრო ეპიზოდს, რომელიც თბილისში, პეკინის 41 ნომერში მდებარეობს.

მისი ისტორია 2021 წლის ოქტომბრიდან იწყება. დღეს კი სასტუმრომ საკუთარი ადგილისა და სახელის დამკვიდრება მაღალტექნოლოგიურობით მოახერხა.

"მიზანი ახალი თაობის ტექნოლოგიური სასტუმროს შექმნა იყო. 21-ე საუკუნის ადამიანს არ სურს დროის დაკარგვა იმაში, რისი გაკეთებაც ტექნოლოგიების საშუალებით უმოკლეს პერიოდში შეუძლია. შესაბამისად, თანამედროვე მოგზაურებისთვის სისწრაფე, კომფორტი და მოქნილობა ის მთავარი კრიტერიუმები გახდა, რომლის გათვალისწინებითაც „ეპიზოდი“ შეიქმნა", — ამბობს ქეთევან ზივზივაძე, ეპიზოდის მარკეტინგის სპეციალისტი.

ბრენდმა ტექნოლოგიებისადმი სიყვარული საქართველოს ბანკის Ads მენეჯერის გამოყენებითაც გამოავლინა. როგორც კომპანიაში ამბობენ, Ads Manager-მა გაუმარტივათ გზა, რომ სასტუმრო ეპოვა ზუსტად იმ მომხმარებელს, რომელიც მას ეძებს.

ციფრული ტექნოლოგიები სასტუმროში

"მომხმარებელს საინტერესო, განსხვავებულ გამოცდილებას ვთავაზობთ მარტივად და ხელმისაწვდომ ფასად. ეპიზოდს მოქნილობა და თანამედროვე ტექნოლოგიებთან სრული ადაპტაცია გამოარჩევს", — ამბობს ქეთევანი.

სასტუმრო 118 ნომერს, სპორტულ დარბაზს, საკონფერენციო და შეხვედრების ოთახებს, ბარ-რესტორანს და მწვანე სივრცე-ატრიუმს აერთიანებს. თითოეული დეტალი კი იმისთვისაა შექმნილი, რომ მომხმარებლებმა მშვიდად იმუშაონ, საინტერესო ადამიანები გაიცნონ, შთამაგონებელ იდეებზე იფიქრონ და ტექნოლოგიებს დაეუფლონ.

"ეპიზოდი მოხმარებელს არსებული სტანდარტებისგან თავისუფალ, მომსახურების გაუმჯობესებულ ხარისხს სთავაზობს. ამ ყველაფერს შესაძლებელს ის ტექნოლოგიები ხდის, რომელიც საწყის ეტაპზე დაინერგა. მათი მახასიათებლების სპექტრი კი მუდმივად ფართოვდება. მთლიანი სამომხმარებლო გზა გაციფრულებულია, დაწყებული შესვლის დროს მოწოდებული ციფრული ბარათიდან, დამთავრებული სასტუმროსთან კომუნიკაციით. სერვისები, რომელიც, სტანდარტულად, სასტუმროებში ფიზიკური სახით სრულდება, ჩვენთან ციფრულია", — ამბობს ქეთევანი.

Ads მენეჯერით მოზიდული ახალი მომხმარებლები

ეპიზოდი საქართველოს ბანკთან სხვადასხვა მიმართულებით აქტიურად თანამშრომლობს. ახლახან სასტუმრომ Ads მენეჯერის მეშვეობით იმ შეთავაზებების სპექტრი გაააქტიურა, რომელსაც პოტენციურ მომხმარებელს სთავაზობს.

"პლატფორმამ საშუალება მოგვცა, მოქნილად და სწრაფად შეგვექმნა კონკრეტული შეთავაზება, გაგვევრცელებინა სხვადასხვა საკომუნიკაციო არხის მეშევეობით სამიზნე აუდიტორიისთვის და მიღებული შედეგების ანალიტიკას მარტივად, ციფრულად დავკვირვებოდით", — იხსენებს ქეთევანი.

მისი თქმით, Ads Manager-ის მეშვეობით, მიზანზე ორიენტირებული შეთავაზებების გავრცელებით, როგორც ახალი სტუმრები მოიზიდეს, ასევე არსებულ მომხმარებლებში ლოიალობა გაზარდეს.

'გვინდა აღვნიშნოთ, რომ გარდა გაყიდვებისა, პლატფორმა ცნობადობის ზრდაში დაგვეხმარა", — ამბობს ქეთევანი და აღნიშნავს, რომ მომავალში კამპანიების დაგეგმვისას, Ads Manager-ის მონაცემებსა და ანალიტიკურ ინსტრუმენტებს აუცილებლად გამოიყენებენ.

"მისი მეშვეობით ჩვენ უკეთ ვიცნობთ არსებულ და პოტენციური მომხმარებლების სურვილებსა და ქცევებს, რაც საშუალებას გვაძლევს, მათ საჭიროებებზე მორგებული შეთავაზებები მათთვის სასურველ ფორმატში განვათავსოთ".

ეპიზოდი მუდმივად ვითარდება. ახლო მომავალში სასტუმროში კიდევ რამდენიმე ინოვაცია დაინერგება, რაც სამომხმარებლო გამოცდილებას უფრო მოსახერხებელს და სასიამოვნოს გახდის, ხოლო გრძელვადიან პერპექტივაში მიზანი კიდევ უფრო გაფართოებაა.

საქართველოს ბანკის განახლებული Ads მენეჯერი კი ახლა კიდევ უფრო ეფექტიანად ეხმარება ბიზნესებს სამიზნე აუდიტორიასთან დაკავშირებაში. უახლესი ფუნქციონალებითა და გამარტივებული ინტერფეისით, საქართველოს ბანკის შეთავაზებების პლატფორმა ეხმარება ბიზნესებს საკუთარი შეთავაზება წარადგინონ საქართველოს ბანკის იმ პლატფორმებზე, რომლებსაც 1 500 000 მომხმარებელი იყენებს. გაიგეთ მეტი Ads მენეჯერის შესაძლებლობებზე ამ ბმულიდან, ხოლო თუ ჯერ არ ხართ საქართველოს ბანკის მომხმარებელი, გახსენით ბიზნეს ანგარიში მარტივად ონლაინ.