ცოტა ხნის წინ, CNN-მა გაავრცელა ინფორმაცია, რომ 2024 წლის ზაფხულის ოლიმპიადას - პარიზი, 2028 წელს კი ლოს-ანჯელესი უმასპინძლებს.

ივნისში, მსოფლიო ოლიმპიურმა კომიტეტმა პარიზსა და ლოს-ანჯელეს შორის კენჭი უყარა ზაფხულის 2024 და 2028 წლების ოლიმპიადის ჩატარების ადგილს, თუმცა აქამდე უცნობი იყო რომელი წელი რომელ ქალაქს ხვდა წილად. ორივე ქალაქის წარმომადგენლებს 2024 წლის თამაშები უფრო მეტად სურდათ, ვიდრე 2028 წლის.

როგორც ოლიმპიური კომიტეტი ამბობს, ლოს-ანჯელესს ისინი ოლიმპიური თამაშების უზრუნველსაყოფად $1.8 მილიარდს გამოუყოფენ. ცნობილია ისიც, რომ ლოს-ანჯელესის წარმომადგენლობა 2028 წელს ოლიმპიადას იმის გამოც დათანხმდა, რომ ამ პერიოდში გაცილებით მეტი ფინანსური მხარდაჭერა ექნება საორგანიზაციო საკითხებს, ვიდრე 2024 წლის ოლიმპიადის შემთხვევაში.

როგორც ლოს-ანჯელესის მთავრობა ამბობს, ზაფხულის ოლიმპიადისთვის ისინი $5.3 მილიარდის გამოყოფას აპირებენ.