ვინც აშშ-ს ამჟამინდელი პრეზიდენტის, დონალდ ტრამპის პერსონას კარგად იცნობს ან ამერიკულ სატირულ-იუმორისტულ გადაცემებს ადევნებს თვალს, ეცოდინება, რომ პრეზიდენტი ტრამპი აბსოლუტურად ყველაფრით არის გატაცებული და თითქმის არ არსებობს სფერო, რომელშიც თავი არ მოუსინჯავს.

მაგალითად, რამდენიმე წლის წინ, მისი სახელობის სტეიკის ყიდვაც შეგეძლოთ, მაგრამ, სავარაუდოდ არ იყიდდით, რადგან ტრამპსტეიკების ფასი $199-$999 ღირდა. ალბათ არ გაგიკვირდებათ, თუ გეტყვით, რომ თითქმის არც ერთი სტეიკი არ გაყიდულა და ამიტომ ორ თვეში მისი წარმოება შეწყდა.

ამ და სხვა ბიზნესებისა, რა გასაკვირია და დონალდს თავი ხელოვნებაშიც გამოუცდია და ნიუ-იორკის პეიზაჟი დაუხატავს. სამართლიანობა მოითხოვს, აღინიშნოს, რომ პრეზიდენტი ტრამპი თავს მხატვრად არ თვლის და ეს ნახატი ერთ-ერთი საქველმოქმედო აქციის ფარგლებში დახატა, სხვა ცნობილ ადამიანებთან ერთად. ეს ნახატები მაშინ აუქციონზე გაიყიდა და შემოსული თანხა შესაბამის ფონდში გადაირიცხა.

რამდენიმე დღის წინ, ნახატი ლოს-ანჯელესში გამოიტანეს აუქციონზე და მისი საწყისი ფასი $9 ათასი იყო. ლოტმა 11 შეთავაზება მიიღო და საბოლოდ $29 184-ად გაიყიდა.