მოკლედ: გირჩი — მეტი თავისუფლების და დროას პოლიტიკურ გაერთიანებას უერთდება ალექსი (ბუკა) პეტრიაშვილი, რონდელის ფონდის მკვლევარი და ევროპასთან და ევროატლანტიკურ სტრუქტურებში ინტეგრაციის საკითხებში ყოფილი სახელმწიფო მინისტრი.

  • ამის შესახებ პეტრიაშვილმა განაცხადა დღეს, 17 ივნისს, ზურა ჯაფარიძესთან და ელენე ხოშტარიასთან ერთად ბრიფინგზე.

დეტალები: "ვფიქრობ, რომ დღეს არის გადამწყვეტი პოლიტიკური ბრძოლა, და ამ ბრძოლაში ყველა უნდა ვიყოთ გაერთიანებული, რათა საქართველო დავაბრუნოთ ევროატლანტიკური ინტეგრაციის კურსზე და საქართველოში შეიცვალოს ხელისუფლება 26 ოქტომბრის არჩევნების გზით. ჩემთვის პატივია, რომ ვუერთდები დროას და მასთან და გირჩი — მეტი თავისუფლებასთან ერთად გავაგრძელებ ბრძოლას", — განაცხადა პეტრიაშვილმა.

  • პატრიაშვილი იმედს გამოთქვამს, რომ მისი პოლიტიკურ პარტიებთან გაერთიანება იქნება გზავნილი ყველა იმ აქტიური ადამიანისთვის, რომელთაც საზოგადოებაში მაღალი ნდობა აქვთ და მზად არიან ბრძოლაში ჩაერთონ.