ამერიკის შეერთებული შტატების სენატმა მხარი დაუჭირა ახალ კანონს ჩრდილოეთ კორეის, ირანისა და რუსეთის მიმართ სანქციების გამკაცრების შესახებ, 98 ხმით 2-ის წინააღმდეგ.

CNN-ის ცნობით, დოკუმენტმა, რომელიც სენატმა გუშინ, 27 ივლისს დაამტკიცა კიდევ ერთი ეტაპი უნდა გაიაროს. მის ძალაში შესასვლელად პრეზიდენტის ხელმოწერაა საჭირო. თავისთავად, ტრამპს შეუძლია აღნიშნულ კანონპროექტს ვეტო დაადოს თუმცა, ეს ნაკლებად სავაუროდოა, ვინაიდან ამ ნაბიჯით ორივე წარმომადგენლობით პალატასთან პრაქტიკულად ღია კონფლიქტში შევა.

ვეტოს შემთხვევაშიც კი კონგრესი ადვილად შეძლებს მის დაძლევას ვინაიდან ამისთვის ხმების მხოლოდ ორი მესამედი დასჭირდება. თავდაპირველად, დოკუმენტი 419 ხმით 3-ის წინააღმდეგ მიიღეს.

ახალი კანონპროექტი ახალი სანქციების დაწესების შესაძლებლობას გამკაცრებასა და გაფართოებას ითვალისწინებს. ასევე, რაც ყველაზე მნიშვნელოვანია, კანონით პრეზიდენტს ერთმევა შესაძლებლობა ერთპიროვნულად გააუქმოს სანქციები კონკრეტული სახელმწიფოების, იურიდიული თუ ფიზიკური პირების მიმართ.

184-გვერდიანი დოკუმენტის ნახევარი რუსეთის თემას დაეთმო. ფაქტობრივად, რუსეთი აშშ-ს მოწინააღმდეგედ გაათანაბრეს ისეთ სახელმწიფოებთან, როგორებიცააა ირანი და ჩრდილოეთ კორეა.

დოკუმენტში საკმაოდ დიდი ადგილი დაეთმო საქართველოსაც. ამ კანონპროექტის მიხედვით აშშ-მა უნდა გააგრძელოს ძალისხმევა და მუშაობა, რათა მოხდეს საქართველოს ტერიტორიების დეოკუპაცია და რუსეთის გავლენის სფეროდან საქართველოს განთავისუფლება.

უფრო ვრცლად თუ რაზეა საუბარი ახალ კანონპროექტში შეგიძლიათ გაეცნოთ აქ .