რა ხდება: დღეს, 3 ივნისს, ოპოზიციის ლიდერები ორბელიანების სასახლეში 11:00 საათიდან მიდიან და პრეზიდენტის მიერ შეთავაზებულ "ქართულ ქარტიაზე" აწერენ ხელს.

დეტალები: 15:00 საათის მონაცემებით, ოპოზიციური პარტიებიდან "ქართულ ქარტიას" ხელი მოაწერეს:

  • ახალის თანათავმჯდომარე, ნიკა მელიამ;
  • გირჩი — მეტი თავისუფლების ლიდერმა, ზურაბ გირჩი ჯაფარიძემ;
  • დროას ლიდერმა, ელენე ხოშტარიამ;
  • ლელოს ლიდერმა, მამუკა ხაზარაძემ;
  • სამართლიანობისთვის ლიდერმა, ეკა ბესელიამ;
  • კანონი და სამართალის ლიდერმა, თაკო ჩარკვიანმა;
  • მოქალაქეების წევრმა, ქეთევან თურაზაშვილმა;
  • ევროპელი დემოკრატების ლიდერმა, პაატა დავითაიამ;
  • მწვანეების ლიდერმა, გია გაჩეჩილაძემ;
  • მოძრაობა ხალხისთვის წევრმა, კახაბერ დვალიშვილმა;
  • სტრატეგია აღმაშენებლის წევრმა, პაატა მანჯგალაძემ;
  • თავისუფლება — გამსახურდიას გზის წევრმა, ირაკლი ჯამბურიამ;
  • ევროპული საქართველოს წევრმა, გიგა ბოკერიამ.

ასევე, პარტია პროგრესი და თავისუფლებას ლიდერის, კახა ოქრიაშვილი განცხადებით, უერთდებიან პრეზიდენტის ინიციატივებს რეფერენდუმის ჩატარების და ოპოზიციის გაერთიანების შესახებ.

"ქართულ ქარტიაზე" ხელს არ მოაწერენ პარტია გირჩი და გახარია — საქართველოსთვის.

  • გახარიას პარტიის განცხადებით, უერთდებიან ქარტიაში წარმოდგენილი რეფორმების ნაწილს, თუმცა, ქარტიით გათვალისწინებული რიგგარეშე არჩევნების და დროებითი მთავრობის ფორმირების საკითხზე განსხვავებული აზრი აქვთ.

ამ თემაზე: გახარიას პარტია პრეზიდენტის "ქართულ ქარტიას" ხელს არ მოაწერს

ასევე, ნახეთ: იაგო ხვიჩიას თქმით, გირჩი "ქართულ ქარტიას" ხელს არ მოაწერს

ბოლო ხაზი: 26 მაისს, პრეზიდენტმა სალომე ზურაბიშვილმა წარადგინა გეგმა — ქართულ ქარტია, რომლით გათვალისწინებული ნაბიჯები, დოკუმენტის ხელმომწერმა პარტიებმა უნდა გადადგან, არჩევნებში გამარჯვების შემდეგ.

  • ქარტია არის გეგმა, რომლით გათვალისწინებული ნაბიჯები, დოკუმენტის ხელმომწერმა პარტიებმა უნდა გადადგან, არჩევნებში გამარჯვების შემდეგ.

გაიგე მეტი: ოპოზიციის ნაწილი მზადაა, პრეზიდენტის "ქართულ ქარტიას" შეუერთდეს — რას გვთავაზობს სალომე ზურაბიშვილი