ეროვნულ-დემოკრატიული ინსტიტუტის (NDI) მიერ საქართველოში ჩატარებული კვლევის მიხედვით, მოსახლეობის 46 პროცენტისთვის საკუთარი აზრია მნიშვნელოვანი იმის შესაფასებლად, თუ რამდენად კარგად ჩატარდა არჩევნები.

საერთაშორისო დამკვირვებლის შეფასება მნიშვნელოვანია 23 პროცენტისთვის, ცესკო - 23 პროცენტი, ირგვლივ მყოფი ხალხი (მეგობრები, ნათესავები, თანამშრომლები) - 18 პროცენტი, პოლიტიკური პარტია, რომელსაც მხარს ვუჭერ - 16 პროცენტი, ქართული არასამთავრობო ორგანიზაციები - 12 პროცენტი, საქართველოს მთავრობა - 10 პროცენტი, მედია - 9 პროცენტი, სხვა ქვეყნის მთავრობები - 5 პროცენტი, ეკლესია - ხუთი პროცენტი, პასუხი "არ ვიცი" - 9 პროცენტი.

კვლევა დიდი ბრიტანეთის მთავრობის, UK aid-ის ფინანსური ხელშეწყობით ჩატარდა, გამოკითხვას კი CRRC-საქართველო ატარებდა. კვლევის საველე სამუშაოები 18 ივნისი - 9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) შესრულდა. 2 261 პირი, პირისპირ ინტერვიუს სახით, წარმომადგენლობითი შერჩევით გამოიკითხა.