რა ხდება: პარლამენტთან ვითარება დაიძაბა. შენობის წინა შესასვლელთან დადგა საპოლიციო ძალების კორდონი, მათ მედიის წარმომადგენლებსა და აქციის მონაწილეებს ძალის გამოყენებით დაატოვებინეს ტერიტორია.

  • ისმის გამაფრთხილებელი მოწოდება, რომ თუ არ დაიშლებიან, მანიფესტანტების წინააღმდეგ
    "კანონით გათვალისწინებულ ღონისძიებებს გაატარებენ."

დეტალები: დააკავეს რამდენიმე ადამიანი.

  • სპეცრაზმი მობილიზებულია პარლამენტის გვერდით — ჭიჭინაძისა და 9 აპრილის ქუჩებზე.
  • ასევე, პარლამენტის უკანა შესასვლელთან.
  • აქ არის წყლის ჭავლის მანქანებიც.
  • თვითონ პარლამენტის შენობაში კი უსაფრთხოების წითელი დონე მოქმედებს, რაც ნიშნავს იმას, რომ საქართველოს პარლამენტში არ დაიშვება არცერთი პირი, გარდა პარლამენტის აპარატის უფროსის მიერ საფრთხის სპეციფიკისა და მისი თავიდან აცილების საჭიროების შესაბამისად განსაზღვრული პირებისა.

ბოლო ხაზი: საპარლამენტო უმრავლესობამ მესამე მოსმენით რუსულ კანონს მხარი დღეს დაუჭირა.