ეროვნულ დემოკრატიული ინსტიტუტის (NDI) უახლესი კვლევის თანახმად, საქართველოს მოსახლეობის 77 პროცენტი მისაღებად თვლის საქართველოს მიზანს, გახდეს ევროკავშირის წევრი.

მისაღებია, თუ არა საქართველოს მთავრობის გაცხადებული მიზანი საქართველო გახდეს ევროკავშირის წევრი? - გამოკითხულთა მხოლოდ 16 პროცენტი მიიჩნევს, რომ აღნიშნული მიზანი მიუღებელია.

რაც შეეხება ასაკს, 18-35 წლის ადამიანების 86 პროცენტი ევროკავშირის გაწევრების მომხრეა, ხელისუფლების მიზანი მისაღებია 36-55 წლის გამოკითხულთ77 პროცენტისთვის და 56+ წლის ადამიანების 66 პროცენტისთვის.

კვლევა დიდი ბრიტანეთის მთავრობის, UK aid-ის ფინანსური ხელშეწყობით ჩატარდა, გამოკითხვას კი CRRC-საქართველო ატარებდა. კვლევის საველე სამუშაოები 18 ივნისი-9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) შესრულდა. 2 261 პირი პირისპირ ინტერვიუს სახით, წარმომადგენლობითი შერჩევით გამოიკითხა.