მოკლედ: რუსთაველის გამზირზე რუსული კანონის საპროტესტო აქცია დაიწყო.

  • პლენარული სხდომა კი, სადაც უმრავლესობამ რუსულ კანონს მეორე მოსმენით დაუჭირა მხარი, რამდენიმე წუთის წინ დასრულდა.
  • სესიის დასრულების შემდეგ, დეპუტატები პარლამენტს დატოვებენ.
  • აქციის მონაწილეებს ორგანიზატორები მოუწოდებენ, საკანონმდებლო შენობის გვერდითა შესასვლელებთან — ჭიჭინაძისა და 9 აპრილის ქუჩებზე გადაინაცვლონ.

დეტალები: ამ ქუჩებზე დიდი რაოდენობით არის მობილიზებული სპეცრაზმი, საპატრულო და კრიმინალური პოლიცია.

  • დიდი რაოდენობით საპოლიციო ძალებია მობილიზებული, ასევე, პარლამენტის უკანა შესასვლელთან.
  • აქციის მონაწილეები, ამ დროისთვის, 9 აპრილისა და ჭიჭინაძის ქუჩებისკენ გადაადგილდებიან.