ზღვის ლომებს ნაპირზე ბოდიალი უყვართ და იმ ქვეყნებში, რომლებშიც ისინი ბინადრობენ ან ხშირად სტუმრობენ, მათი ხმელეთზე ნახვა არავის უკვირს და არც განსაკუთრებულ მოვლენად აღიქვამენ. მაგრამ პატარა ლეკვების ასეთი ქცევა იშვიათი და თან, მოდით შევთანხმდეთ, რომ რთულია ამ საყვარლობას გულგრილად შეხედო.

ახალ ზელანდიელმა ფერმერმა თავის მიწაზე ეს არსება იპოვა, რომელიც, როგორც აღმოჩნდა, უახლოესი ნაპირიდან 10 კილომეტრის მოშორებით იყო წამოსული. რა თქმა უნდა, უცნობია რატომ იარა ამდენი ზღვის ლომმა. შეიძლება მას ახალი თავგადასავლებისკენ მიუწევდა გული, ან როგორც დისნეის ანიმაციებშია, რამე უბედურება შეემთხვა და რჩევის საკითხად ან დახმარების სათხოვნელად, ახალ ზელანდიელ ბრძენ ცხვრებს მოადგა.

ფერმერმა დი ნაპმა შესაბამისი სამსახურები გამოიძახა და ცხოველი მათ ჩააბარა. პატარას ჯერ გამოკვლევებს ჩაუტარებენ, ჯანმრთელობას შეუმოწმებენ და შემდეგ ოკეანეში გაუშვებენ.