მოკლედ: პერსონალურ მონაცემთა დაცვის სამსახური აცხადებს, რომ მათ არაერთმა მოქალაქემ მიმართა, პირდაპირი მარკეტინგის მიზნით, პერსონალურ მონაცემთა სავარაუდო უკანონო დამუშავების ფაქტებთან დაკავშირებით.

  • "ზოგიერთი ორგანიზაცია კვლავ აქტიურად აგრძელებს მონაცემთა სუბიექტების სარგებლობაში არსებულ სატელეფონო ნომრებზე სარეკლამო შინაარსის მოკლე ტექსტური შეტყობინებების გაგზავნას", — წერია განცხადებაში.

დეტალები: პერსონალურ მონაცემთა დაცვის სამსახურის თქმით, სარეკლამო შეტყობინებებთან დაკავშირებით, მოქალაქეთა მიერ წარმოდგენილი მომართვების შინაარსიდან გამომდინარე, ზოგადი ტენდენციები გამოიკვეთა.

  • ასევე, მონაცემთა დაცვის სამსახურმა დაიწყო საბანკო, სააფთიაქო, ტანსაცმლით და საკვები პროდუქტებით ვაჭრობის, აზარტული თამაშების, სამშენებლო და სატელეფონო კავშირგაბმულობის სფეროს ორგანიზაციების მიერ, პირდაპირი მარკეტინგის განხორციელების პროცესების შესწავლა.

კონტექსტი: 2024 წლის 1-ელი მარტიდან პერსონალურ მონაცემთა დაცვის შესახებ კანონში ცვლილებები ამოქმედდა, რომლის თანახმად, მომხმარებლის წინასწარი თანხმობის გარეშე, სატელეკომუნიკაციო მობილური ოპერატორები და მათი SMS-კონტრაქტორი კომპანიები, მათ პირად მონაცემებს პირდაპირი მარკეტინგის მიზნით ვერ გამოიყენებენ.

გაიგე მეტი: ბოლოს და ბოლოს, როდის შეჩერდება სარეკლამო შეტყობინებები ჩემს ტელეფონში — კანონი დეტალებში