ახალი ამბები On.ge

გიორგი ამილახვარი

13 Nov. 2023, 16:27

პრეზიდენტის განცხადება ჩინეთის სახალხო რესპუბლიკის პრეზიდენტ, სი ძინ პინთან დაკავშირებით არის კატეგორიულად მიუღებელი. თქვენ იცით, რომ საქართველო არის საპარლამენტო რესპუბლიკა – საგარეო პოლიტიკას ამ ქვეყანაში, არსებული კანონის საფუძველზე და ხალხის გადაწყვეტილებით, ახორციელებს საქართველოს მთავრობა, რომელსაც წარმოადგენს პრემიერ-მინისტრი. შესაბამისად, სალომე ზურაბიშვილის მიერ გაკეთებული განცხადება ჩინეთის სახალხო რესპუბლიკის პრეზიდენტის მისამართით ვერანაირ პოლიტიკურ ძალას ვერ ატარებს და მას გავლენა არ აქვს. 

სამწუხაროდ, ბოლო ხანებში არაერთხელ გვინახავს პრეზიდენტის გადამეტებული, არაეთიკური, არადიპლომატიური განცხადებები. მათ შორის, ვიხილეთ კონსტიტუციის დარღვევაც. აქედან გამომდინარე, ბუნებრივია, არ გვიკვირს მისი ქმედებები. თუმცა, მინდა აღვნიშნო, რომ მისი ეს განცხადება არანაირი პოლიტიკური სამართლებრივი მნიშვნელობის მატარებელი არ არის და ვერ იქნება. ის ვერ გამოხატავს საქართველოს საგარეო პოლიტიკას და ჩვენ იმედი გვაქვს, რომ ეს უტიფარი განცხადება არ და ვერ დააზიანებს იმ სწორ ურთიერთობას, რომელიც საქართველოსა და ჩინეთს შორის ყალიბდება.

განაცხადა განათლების მინისტრმა, გიორგი ამილახვარმა. სალომე ზურაბიშვილმა LCI-სთან ინტერვიუში თქვა, რომ თუ ოდესმე პუტინსა და ჩინეთის პრეზიდენტს, სი ძინ პინს გაასამართლებენ, ეს ისტორიული შედეგი იქნება. თუმცა, ამასთან ერთად აღნიშნა, რომ ეს არარეალისტურად ეჩვენება. 

0 0

კომენტარები

კვირის ტოპ-5

  1. ბსუ-ის პროფესორის საქმეზე შსს-მ გამოძიება ძალადობის მუხლით დაიწყო
  2. რის სანაცვლოდ შეაფერხა სენატორმა სტივ ნიკანდროსმა "მეგობარი აქტი?"
  3. "იმის ღირსი მაინც ვართ, აგვიხსნან — რატომ იყო ჩვენი გადაცემები ასე "გადასაგდები" — აჭარის ტელევიზიიდან თანამშრომლები გაათავისუფლეს
  4. "ადამიანი, რომელიც ამ პრემიას მიიღებს არის ქალი, რომელსაც ჩემს გულში სრულიად განსაკუთრებული ადგილი უჭირავს" — სოფიკო შევარდნაძე მარია ზახაროვაზე
  5. ჭრელ აბანოში ორი ადამიანი გარდაცვლილი იპოვეს

გირჩევთ

ახლა კითხულობენ