ზუგდიდის მუნიციპალიტეტში, ინფრასტრუქტურული პროექტებისთვის 2 მილიონ ლარზე მეტი გამოყო. აღნიშნულ თანხას ზუგდიდის გამგეობა, წინასაარჩევნოდ, ძირითადად გზების რეაბილიტაციაზე დახარჯავს. გამგეობის მიერ, 10 ივლისს გავრცელებული ინფორმაციით, სატენდერო კომისიამ ტენდერი შემდეგ პროექტებზე გამოაცხადა:

  • ახალაბასთუმანის ადმინისტრაციულ ერთეულში, ცენტრთან დამაკავშირებელი გზის მონაკვეთის (წერეთლის ქუჩის) სარეაბილიტაციო სამუშაოების შესყიდვა. შესყიდვის სავარაუდო ღირებულება: 211 ათასი ლარი;
  • ოქტომბერის ადმინისტრაციულ ერთეულში, ოქტომბერის ცენტრიდან, ყოფილი პროფ-ტექნიკური სასწავლებლის, ახალკახათის გავლით (ზუგდიდი-ანაკლიას საავტომობილო გზამდე), საავტომობილო გზის რეაბილიტაციის სამუშაოების შესყიდვა. შესყიდვის სავარაუდო ღირებულება: 221 ათასი ლარი;
  • ნაცატუს ადმინისტრაციულ ერთეულში, ზუგდიდი-წალენჯიხის ცენტრალური გზიდან, ნაცატუს მიმართულებით წალენჯიხის მუნიციპალიტეტის საზღვრამდე საავტომობილო გზის რეაბილიტაციის სამუშაოების შესყიდვა. შესყიდვის სავარაუდო ღირებულება: 250 600 ლარი;
  • ცაიშისა და ცაცხვის ადმინისტრაციულ ერთეულებში (კურორტის მონაკვეთი) საავტომობილო გზის რეაბილიტაციის სამუშაოების შესყიდვა. შესყიდვის სავარაუდო ღირებულება: 204 400 ლარი;
  • ჭკადუაშის ადმინისტრაციულ ერთეულში გზის რეაბილიტაციის სამუშაოების შესყიდვა. შესყიდვის სავარაუდო ღირებულება: 186 544 ლარი;
  • კორცხელის ადმინისტრაციულ ერთეულში მოწყობილი წყალმომარაგების დამატებითი სამუშაოების შესყიდვა. შესყიდვის სავარაუდო ღირებულება: 50 792 ლარი;
  • ინგირის ადმინისტრაციულ ერთეულში გზის რეაბილიტაციის (ბარათაშვილის ქუჩა) სამუშაოების შესყიდვა. შესყიდვის სავარაუდო ღირებულება: 169 700 ლარი;

2017 წლის თვითმმართელი ერთეულების არჩევნები ოქტომბერში გაიმართება.

გაიგეთ მეტი: თვითმმართველობის არჩევნები 2017.