ნიუ-იორკის ერთ-ერთი ოლქის, ბრონქსის, საავადმყოფოში ავტომატით შეიარაღებულმა კაცმა ცეცხლი გახსნა. ინფორმაციას CNN ავრცელებს.

პოლიციის განცხადებით, დაშავებულია მაქსიმუმ ექვსი ადამიანი. თავდამსხმელმა კი ადგილზე მოიკლა თავი.

თავდამსხმელს ექიმის ფორმა ეცვა და შენობაში შესასვლელი ბარათი ჰქონდა. პოლიცია დაშავებულების მდგომარეობაზე ინფორმაციას არ ავრცელებს.

ვრცელდება ინფორმაცია, რომ თავდამსხმელი საავადმყოფოს ყოფილი თანამშრომელი იყო, თუმცა ოფიციალური პირები მას ჯერჯერობით არ ადასტურებენ.

ნიუ-იორკ თაიმსის ცნობით, დაჭრილებს შორის სამი ექიმია და მას შიგნით მოქალაქეები ეხმარებიან. დამატებით სამედიცინო პერსონალს ჯერჯერობით შენობაში შესვლა არ შეუძლია, რადგან პოლიციას ადგილი უსაფრთხოდ ჯერ არ გამოუცხადებია.

12:43 AM განახლება: თავდამსხმელის გარდა, დაღუპულია ერთი ქალი. მისი გვამი თავდამსხმელის გვამთან ერთად იპოვეს. დანარჩენი ხუთი მსხვერპლიდან 3-ის მდგომარეობა კრიტიკულია.

12:48 AM განახლება: პოლიციამ CNN-ს დაუდასტურა ინფორმაცია იმის შესახებ, რომ თავდამსხმელი საავადმყოფოს ყოფილი თანამშრომელი იყო.

1:08 AM განახლება: თავდამსხმელი იდენტიფიცირებულია, როგორც ექიმი ჰენრი ბელო. ის წარსულში აღნიშნულ საავადმყოფოში მუშაობდა. მას ავტომატი ექიმის ხალათის ქვეშ ჰქონდა დამალული.