რატომ არის მნიშვნელოვანი: პარტნიორობა ადამიანის უფლებებისთვის (PHR) განცხადებით, ქუთაისის საქალაქო სასამართლომ პრეცედენტული გადაწყვეტილება მიიღო, რომლითაც ქალთა საფეხბურთო კლუბ მართვესა და მწვრთნელის, პაატა დოგრაშვილის მხრიდან 9 ქალი ფეხბურთელის მიმართ სექსუალური შევიწროება დადგინდა.

  • ამ საქმეზე უფლებადამცველი ორგანიზაცია წლების განმავლობაში მუშაობდა.
  • მათი ცნობით, ეს პირველი სასამართლო გადაწყვეტილებაა, როცა საფეხბურთო კლუბი, ისევე როგორც მწვრთნელი, სექსუალურ შევიწროებაში პასუხისმგებლად ცნეს.

დეტალები: მართვესა და პაატა დოგრაშვილს მორალური ზიანის სახით 36 000 ლარის გადახდა დაეკისრა.

  • "PHR ულოცავს ქალ ფეხბურთელებს ამ გამარჯვებას და მოუწოდებს ყველას, იბრძოლონ საკუთარი უფლებების დასაცავად", — აცხადებენ ორგანიზაციაში.