ინფორმაციას ხერსონის ოლქის სამხედრო ადმინისტრაციის ხელმძღვანელი, ალექსანდრ პროკუდი ტელეგრამზე ავრცელებს. ადგილობრივ მედიებზე კი ფაქტის ამსახველი ვიდეოები ვრცელდება.

რატომ არის მნიშვნელოვანი: მას შემდეგ, რაც რუსებმა ხერსონის რეგიონში კახოვკის ჰესი ააფეთქეს, მიმდებარე დასახლებებში ევაკუაციაა დაწყებული.

  • მდინარე დნეპრზე მდებარე ჰესის აფეთქების შედეგად ათობით დასახლება დაიტბორა, ათასობით მშვიდობიანი მოქალაქე კი ევაკუირებულია.
  • პირველადი მონაცემებით, წყალდიდობას, სულ მცირე, 3 ადამიანი ემსხვერპლა.
  • ხერსონის ოლქის სამხედრო ადმინისტრაციის ხელმძღვანელი, ალექსანდრ პროკუდინის ცნობით, ოკუპანტები ხერხონს თავს ესხმიან.
  • "ისინი ნადირობენ ზღვისპირა და ქალაქის ცენტრალურ ნაწილში", — წერს პროკუდინი.

დეტალები: უკრაინული მედიის ცნობით, დაბომბვა დაიწყო იმ მოქალაქეების ევაკუაციის დროს, რომელთა სახლები დაიტბორა.

  • ისინი ასევე წერენ, რომ რუსები თავს ესხმიან მაშველებს, რომლებიც ხერსონში ადამიანების გადარჩენისთვის იბრძვიან.
  • უკრაინის შინაგან საქმეთა სამინისტრომ განაცხადა, რომ დაშავებულებს შორის იყო საგანგებო სიტუაციების სახელმწიფო სამსახურის ორი თანამშრომელი: მესაზღვრე წყალმცენარე და მესაზღვრე მძღოლი.
  • უწყების ცნობით, დაბომბვის შედეგად სულ 9 ადამიანი დაშავდა.
  • ხოლო გარდაცვლილთა შესახებ ინფორმაცია ჯერ არ მიუღიათ — დაშავებულებს სამედიცინო დახმარება ჩაუტარდათ.