ახალი ამბები On.ge

ირაკლი კობახიძე

16 May. 2023, 15:05

რაღაც აბსტრაქტული ოცი კაცი არსებობს, თან ნიღბიანები იყვნენ და ისე იღიმოდნენო, რაღაც სისულელე თქვა. თვალებიდან ამოიკითხა ალბათ მათი ღიმილი. მარტივი სპეკულაციაა. თავის პრობლემები აქვს ამ კაცს და სჯობს, საკუთარ პრობლემებს მიხედოს. სერიოზული პრობლემა აქვს... მისი მთავარი პრობლემა არის არა იმდენად ფსიქოლოგიური, რამდენადაც ის, რომ ის ყოველთვის დავალებებს ასრულებს. ის არის უცხოელი აგენტი, იღებს დავალებებს და ამ დავალებებით აგინებს ჩვენს ცნობილ საზოგადო მოღვაწეებს. ილია ჭავჭავაძეზე და აკაკი წერეთელზე რა ილაპარაკა გახსოვთ, ასევე რა ილაპარაკა დავით აღმაშენებელზე, ერეკლე მეორეზე, ეს ყველაფერი გახსოვთ და ასევე თქვენ მოისმინეთ, რა ილაპარაკა მან ბიძინა ივანიშვილზე. ცილისწამების მთელი კასკადი. სამარცხვინო ცილისწამების კასკადი. ეს გასაკვირი არ არის, როდესაც წარსულზე ასე ლაპარაკობს და ისტორიისთვის ხაზის გადასმას ცდილობს, აწმყოზეც რომ იმავეს აკეთებს, გასაკვირი არ არის. საცოდავი კაცია, სინამდვილეში, ლევან ბერძენიშვილი და ამას ორი მიზეზი აქვს. ერთი, მისი ფსიქოლოგიური, მენტალური პრობლემები და მეორე ის, რომ ის მუდამ ასრულებს გარედან მიღებულ დავალებებს.

ასე უპასუხა ირაკლი კობახიძემ ჟურნალისტის შეკითხვას ლევან ბერძენიშვილზე, რომელმაც გუშინ განაცხადა, რომ მის სახლთან 20-მდე ნიღბიანი პირი იმყოფებოდა. მას შემდეგ რაც ლევან ბერძენიშვილმა მეფე ერეკლეზე ისაუბრა, მის წინააღმდეგ დისკრედიტაციის კამპანია დაიწყო და დევნიან. იყო რამდენიმე შემთხვევაც, როცა მას სიტყვიერი შეურაცხყოფა მიაყენეს, ბერძენიშვილს აკრიტიკებდნენ მმართველი გუნდის წევრებიც. 15 იანვარს, ყვარლის ევრო-ატლანტიკურ ცენტრში პროფესორს პიკეტით დახვდნენ და ლექციის ჩატარების საშუალება არ მისცეს.

0 0

კომენტარები

კვირის ტოპ-5

  1. "ქართულ ოცნებაში" საკადრო ცვლილებები განხორციელდა — ვინ ვის ანაცვლებს?
  2. ალექს საპირი: დიდი პატივია, რომ ავაშენებ Trump Tower-ს იმ ქვეყანაში, სადაც ჩემი მშობლები დაიბადნენ და გაიზარდნენ
  3. ალბი კორძაია ლუკა ჭოხონელიძეს გაუპატიურებასა და სექსუალურ შევიწროებაში ადანაშაულებს
  4. ლევან სანიკიძე: კი ცოტნე, მამაშენის დავალებით სცემდნენ ახალგაზრდებს საკუთარ სადარბაზოებთან, ამიტომ, მოდი დისკუსია საკუთარ სახლში გახსენი
  5. განათლების სამინისტრო: მასწავლებლებსა და მასწავლებლობის მსურველებს სამი საგნის გამოცდაზე გასვლის შესაძლებლობა აქვთ

გირჩევთ

ახლა კითხულობენ

გადახედვა

საგარეო უწყება: საქართველო ეუთოს უსაფრთხოებისთვის თანამშრომლობის ფორუმის თავმჯდომარე ქვეყანა გახდა

საქართველო ევროპის უსაფრთხოებისა და თანამშრომლობის ორგანიზაციის (ეუთო) უსაფრთხოებისთვის თანამშრომლობის ფორუმის (FSC)…