23 წლის ქლოი სტეინი, რომელმაც საკუთარი გატაცება გაითამაშა, პოლიციამ ცოტა ხნის წინ დააკავა. ქლოიმ საკუთარი გატაცება იმისთვის გაითამაშა, რომ ამით სხვა ფაქტი დაემალა. კერძოდ, ქლოი კოლეჯიდან გარიცხეს და სწავლას ვერ ამთავრებდა, მას კი არ სურდა, რომ ეს ამბავი ოჯახს გაეგო.

პოლიციამ ქლოის ცრუ განგაშის, ცრუ დანაშაულის შეტყობინებისა და უწესრიგო ქცევისთვის ბრალი წაუყენა. ქლოიმ შეყვარებულს მისწერა, რომ პოლიციის ოფიცერს მიჰყავდა, ამის შემდეგ კი მისი კვალი გაქრა და ოჯახმა ის დაკარგულად გამოაცხადა. პოლიციის განცხადებით, ქლოის პოვნაში ათიათასობით დოლარი დაიხარჯა, რადგან მან ავტომობილი ტყესთან ახლოს დატოვა და ამ ტერიტორიაზე 23 წლის გოგოს ვერტმფრენებით ეძებდნენ.

ფოტო: NBC

ქლოის რამდენიმე დღეს შემდეგ პენსილვანიის ერთ-ერთ ქალაქში მიაგნეს, ის თავს კარგად გრძნობდა და პოლიციელებმა დაკითხვაზე წაიყვანეს. ქლოის თქმით, უცნობმა კაცმა, რომელსაც პოლიციის ფორმა ეცვა, გაიტაცა და თვალდახუჭული ძალით წაიყვანა. გამომძიებლებს 23 წლის გოგოს ჩვენებაში ეჭვი შეეპარათ, რადგან მანამდე კოლეჯს დაუკავშირდნენ და გაიგეს, რომ ქლოი დიდი ხნის წინ გარიცხეს, ახლა კი დამთავრების თარიღი ახლოვდებოდა, ქლოი კი სტუდენტი აღარ იყო.

პოლიცია ახლა იმას იძიებს, ეს ყველაფერი ქლოიმ მარტომ დაგეგმა, თუ გატაცების გაყალბებაში უფრო მეტი ადამიანი იყო ჩართული. ქლოი კი სასამართლოს წინაშე 25 მაისს წარდგება.