ლაშა რამიშვილი სოციალურ ქსელში წერილს აქვეყნებს, სადაც მამაზე, შალვა რამიშვილზე საუბრობს.

რატომ არის მნიშვნელოვანი: ლაშა რამიშვილი მხარდაჭერას უცხადებს ყველა იმ ადამიანს, ვინც შალვა რამიშვილმა შეურაცხყო. იგი ასევე გმობს ქალების მიმართ აგორებულ კამპანიებს და ძალაუფლებით მანიპულაციის მცდელობებს.

  • იგი თანადგომას უცხადებს ლაზარეს, რომელსაც "მთავრობისთვის იმ მარტივად გასაწირ მსხვერპლს" უწოდებს, რომელსაც ახალგაზრდობის დასაშინებლად იყენებენ.
  • მისი განცხადებით, წერილი ემსახურება შალვას რამიშვილის მსხვერპლებისადმი თანადგომას.

დეტალები: რამიშვილის განცხადებით, ბოლო დღეები მისთვის უმძიმესი იყო, მაგრამ ამ თემაზე ხმის არ ამოღება უსამართლობაა.

  • "ხალხთან ურთიერთობისას ყოველთვის განვიცდიდი სირცხვილს, რომ ჩემი პიროვნება მაშინვე იმედგაცრუებას გამოიწვევდა, როცა გაიგებდნენ ვისი შვილი ვარ", — წერს იგი.
  • ლაშა რამიშვილი აცხადებს, რომ შალვა რამიშვილი მისთვის მხოლოდ ფორმალურად იყო მამა, რეალურად კი ეს ფუნქცია არასდროს შეუსრულებია.
  • "რაც თავი მახსოვს, ჩვენი ოჯახი სისტემატურად დგებოდა მძიმე კრიზისების წინაშე, ამ ადამიანის გამო და დაუსრულებელი ქაოსის რეჟიმში გვამყოფებდა. ეს წნეხი დღემდე გრძელდება", — აცხადებს იგი.
  • ლაშა რამიშვილის თქმით, მას და მის ძმებს მამასთან არც ემოციური და არც მსოფლმხედველობრივი თანხვედრა არ აკავშირებს.
  • "ბოლო დროინდელმა მოვლენებმა კი, ჩემი მოთმინება საბოლოოდ დაასრულა, როცა აქციაზე გულწრფელად გასულ მე და ჩემს თანატოლებს "ჩმორები" გვიწოდა სრულიად დაუმსახურებლად და წარმოგვაჩინა პოლიტიკური ძალებისგან მართულ ბრბოდ. ამას დაემატა მისი მხილება იმ გოგოების მიერ, რომლებსაც ჰქონდათ ღირსების შემლახველი გამოცდილება მასთან ურთიერთობისას", — ამბობს იგი.
  • ლაშა რამიშვილის განცხადებით, ახსოვს მამამისის მხრიდან "უპატივცემულო დამოკიდებულება და სრული უმადურობა დედის მიმართ" და იცის, რომ "იგი ზოგადად პატივს არ სცემს ქალს.