კაცობრიობის ისტორიასა და მითოლოგიაში ჯადოქრებს დიდი ადგილი უჭირავთ. ლეგენდები კუდიანი ქალების შესახებ, რომლებმაც სული ეშმაკს მიჰყიდეს და სანაცვლოდ ჯადოქრობა შეძლეს, მრავლად მოიძებნება.

XV-XVIII საუკუნეებში ჯადოქრებზე განსაკუთრებული ნადირობა იყო გამოცხადებული, რასაც დაუზუსტებელი მონაცემებით 40-60 ათასი ადამიანი შეეწირა.

სიკვდილით დასჯილთა შორის იყვნენ ისეთებიც, რომელთა ამბავმაც ჩვენამდე მოაღწია და მათი ზებუნებრივი ძალის ადამიანებს დღემდე სჯერათ.

1. მეგი შელტონის საფლავი, ინგლისი

მეგი შელტონი რომელსაც ჯადოქრობასა და შავ მაგიასთან კავშირს აბრალებდნენ, ინგლისის ერთ-ერთ პატარა სოფელში, ვუდპლუმპტონში ცხოვრობდა. ხალხი მას, ღამით ცხოველად გადაქცევაში და თანასოფლელების შეშინებაში ადანაშაულებდა. მეგი სასტიკად აწამეს და დაწვეს, თუმცა უცნაური არსება არ წყვეტდა ადამიანების შეშინებას, ამიტომ ბოლოს გრძნეულის საფლავს დიდი მრგვალი ქვა დაადეს, რათა საფლავიდან ამოსვლა ვეღარასდროს მოეხერხებინა ქვაზე კი გამაფრთხილებელი წარწერაა, რომელზეც წერია, რომ იქ მეგი შელტენის საფლავია.

2. ჩესტერვილელი გრძნეული, აშშ

უცნაური ისტორია ჩესტერვილელი გრძნეულის შესახებ, რომელის საფლავიც ილინოისის შტატში 1900 წლიდან არსებობს, მოგვითხრობს ქალის შესახებ, რომელმაც სული ეშმაკს მიჰყიდა, რის გამოც ისიც სხვა გრძნეულების მსგავსად დაწვეს. ყველაზე საინტერესო კი ის არის, რომ კუდიანის საფლავთან უზარმაზარი ხე გაიზარდა. ადგილობრივების აზრით კი ჩესტერვილელი გრძნეული არსადაც არ წასულა, მისმა სულმა სწორედ ამ ხეში განაგრძო სიცოცხლე და შურისძიებისთვის ემზადება.

3. ლილიას ადიეს სამარხი, შოტლანდია

შოტლანდიელი ლილიას ადიესი 1704 წელს გრძნეულად შერაცხეს და დააპატიმრეს. ქალის საბოლოო განაჩენი სიკვდილით დასჯა იყო, თუმცა სანამ დაწვავდნენ, გრძნეული პატიმრობაში საკუთარი სიკვდილით გარდაიცვალა, მისი გვამი კი ზღვის სანაპიროზე დაწვეს. ლეგენდის თანახმად ლილიასის სხეულის ნაწილი რეალურად ტალღას გაჰყვა და ხელსაყრელ დროს ელოდება დასაბრუნებლად, თუმცა მის სამარხს დიდი უსახური ქვა მაინც დაადეს, რაც მათი აზრით გრძნეულს ხელს შეუშლის ხელახლა აღდგომაში. ქვის შელახული მაგრამ საკმაოდ მოზრდილი ფრაგმენტი დღემდეა შემორჩენილი.

4. გრძნეული მილურსმული პირით, იტალია

მსოფლიოს სხვადასხვა კუთხეში ჯადოქრობის ბრალდებით არაერთი ქალი გამოასალმეს სიცოცხლეს, თუმცა ამ ადამიანების ნეშთები ერთ საინტერესო რამეზე მიანიშნებს - ადამიანებს გრძნეულების მიმართ შიში მათი სიკვდილის შემდეგაც კი არ უნელდებოდათ და თავის დაზღვევის მიზნით დამატებით ზომებს იღებდნენ. მაგალითად იტალიაში აღმოჩენილია 800 წლის წინანდელი ახალგაზრდა ქალის ნეშთი, რომელსაც პირი შვიდი ლურსმნით აქვს მიჭედებული.