ცხოვრებაში ყველას ან უმეტესობას მაინც გვქონია მომენტი, როდესაც ხელფასმა მხოლოდ რამდენიმე დღეს "გაგვიძლო" და თვის ბოლოს მოუთმენლად ველოდებოდით. სწორედ მსგავსი მომენტების თავიდან ასაცილებლად არსებობს მრავალი კურსი თუ პროფესია. ამ სტატიაში პირადი ფინანსების მართვის ხელოვნებას შევაჯამებთ და მოგცემთ 5 რჩევას, რომელიც არა მარტო ფინანსების სწორ მართვაში, არამედ დაზოგვაშიც დაგეხმარება.

1. თვალი ადევნე და განსაზღვრე ხარჯები

ხარჯების კონტროლი ფინანსების სწორად განკარგვაში ერთ-ერთი საკვანძო და პირველი ნაბიჯია. თუ ყოველთვიურად ფიქსირებული ხარჯები გაქვს, ხარჯების მართვაც შედარებით მარტივი იქნება. თუმცა, თუ ხარჯები თვიდან თვემდე იცვლება, მნიშვნელოვანი და აუცილებელია მისი კონტროლი. ამაში ნაწილობრივ ისიც იგულისხმება, რომ გარკვეული ხარჯები უნდა შეამცირო კიდეც.

2. შეიმუშავე რეალური ბიუჯეტი

კი, რეალური ბიუჯეტი და არა ზოგადად ბიუჯეტი. ბიუჯეტს ხშირად ვადგენთ, გონებაში ვიაზრებთ ჩვენს შემოსავლებს და ხარჯებს, ვადარებთ, მაგრამ ეს რეალური ბიუჯეტი არ არის. ჩვენი მოლიდინები, რომ მიმდინარე თვეში ნაკლები ხარჯი გვექნება და მეტ თანხას დავზოგავთ, რეალობას ხშირად სცდება. სწორედ ამიტომ აუცილებელია, რეალურად შევხედოთ ჩვენს შემოსავლებს, ხელფასის ჩარიცხვის და ვალდებულებების დაფარვის დღეს და გასათვალისწინებელია სხვა მრავალი დეტალური საკითხი, რომელსაც ფინანსების მართვის დროს ვაწყდებით. ერთ-ერთი ასეთი დეტალია შემოსავლისა და ხარჯების ჩამოწერა, შემდეგ შედარება — სად ვხარჯავთ ყველაზე მეტს? როგორ შევამციროთ? როგორ გავზარდოთ შემოსავლები?

3. დროულად დაფარე ყველა ვალდებულება

ვალდებულებების "მოშორება" საკმაოდ მტკივნეული, მაგრამ აუცილებელი პროცესია. ერთ-ერთი მეთოდის თანახმად, თუ რამდენიმე ვალდებულება გვაქვს აღებული, უმჯობესია დავიწყოთ ყველაზე მცირეს დაფარვით, რაც შექმნის "აზარტს" და ეტაპობრივად ყველა ვალდებულება დაიფარება. მეორე მეთოდია, ვალდებულებების დასაფარად კონკრეტული თანხის გამოყოფა და ყველაფრის პროპორციულად დაფარვა.

4. დაიწყე დანაზოგების შექმნა

ეტაპობრივად, ნაბიჯ-ნაბიჯ დიდ შედეგამდე მისვლა შესაძლებელია. გაიხსენე, როგორ აღმოგიჩენია ტანსაცმელში ჩარჩენილი ხურდები მოულოდნელად, ან როგორ დაგრჩენია რამდენიმე ლარი საყიდლებიდან. ჰო, ზუსტად ამ თანხით იქმნება დიდი დანაზოგები. დანაზოგის დაგროვება საკმაოდ რთულია, თუ შენი შემოსავლები თითქმის მთლიანად საჭიროებებში იხარჯება. თუმცა, დასაწყისისთვის, ყველაფერი სწორედ ხურდების ყულაბაში გადანახვით უნდა დაიწყო. ეს დაგეხმარება დანაზოგის შექმნის ჩვევების გამომუშავებაში. მომდევნო ეტაპზე კი, შემოსავლის გარკვეული ნაწილი უფრო დიდი დანაზოგის შესაქმნელად უნდა გადადო.

5. ფული შენთვის ამუშავე და არა პირიქით

შეიმუშავე საინვესტიციო სტრატეგია. მას შემდეგ რაც დანაზოგი შექმენი, აუცილებელია, რომ ფულმა იმუშაოს შენთვის და არსებული დანაზოგი საკუთარ თავს ზრდიდეს. ამისთვის კი აუცილებელია ინვესტირება. ერთ-ერთი ყველაზე ეფექტური მეთოდი კი სხვადასხვა კომპანიის აქციებში თანხის დაბანდებაა, თუმცა, ინვესტირების დაიწყებამდე, შენს თავს ეს სამი შეკითხვა უნდა დაუსვა.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ამისთვის საჭიროა ესტუმრო მობილბანკს, რომლის საშუალებითაც საერთაშორისო კომპანიების ფასიანი ქაღალდებით ვაჭრობას შეძლებ. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.