ორგანიზაცია განცხადებას ავრცელებს.

რატომ არის მნიშვნელოვანი: პარლამენტთან, აქციაზე, სადაც რუსულ კანონს აპროტესტებდნენ, პუბლიკას დირექტორი, ზურა ვარდიაშვილი და ტაბულას ჟურნალისტი, ბექა ჯიქურაშვილი დააკავეს.

  • ვარდიაშვილი საპატრულო პოლიციის უფროსის, ვაჟა სირაძის მითითებით, მას შემდეგ დააკავეს, რაც პოლიციელებს მიმართა შეძახილით — მოღალატეებო.
  • მანამდე, On.ge-ის რედაქტორი, ნეტგაზეთის ჟურნალისტი და ფორმულას ფოტოგრაფი პარლამენტის ეზოდან ძალის გამოყენებით გამოაგდეს.

დეტალები: ქარტია პარლამენტის მხრიდან მედიის წარმომადგენლებისთვის საქმიანობაში ხელის შეშლას და ჟურნალისტების დაკავებას გმობს.

  • "ეს საქართველოს სისხლის სამართლის კოდექსის (154-ე მუხლი) დარღვევა და დანაშაულია. დაუშვებელია მედიის მიმართ მსგავსი ფორმით მოპყრობა", — ნათქვამია განცხადებაში.
  • ქარტია მოუწოდებს თავმჯდომარეს ჟურნალისტების ძალის გამოყენებით გაყვანაზე მკაცრი რეაგირება ჰქონდეს და დაავალოს შესაბამის სამსახურებს, შეისწავლონ დაცვის სამსახურის ქმედებები.
  • ასევე მოუწოდებს პარლამენტს, უზრუნველყოს მედიის წარმომადგენლების დაუბრკოლებელი მუშაობა საკანონმდებლო ორგანოში, რათა ჟურნალისტებმა მოახერხონ საზოგადოების დროული და სრული ინფორმირება.