მეტი რაღა უნდა მოხდეს? - ამ სახელით იმართება ქუთაისშიც Birja Mafia-ს წევრების, მიშკა მგალობლიშვილისა და გიორგი ქებურიას მხარდასაჭერი აქცია. როგორც On.ge-სთვის გახდა ცნობილი აქციის მონაწილეებმა შეკრება დღეს, 11 ივნისს, 16 საათზე ქუთაისში, თეთრ ხიდთან დაიწყეს.

"ვიდეო-რგოლის შინაარსით უკმაყოფილო შ.ს.ს - მ მუნდირის ღირსება, მათთვის ნარკოტიკების ჩადებით დაიცვა. მიუხედავად იმისა, რომ ორივე დაკავებულმა უარყო ბრალდება, მოსართლემ არ გაითვალისწინა და წინასწარ პატიმრობაში დატოვა დაკავებულები," - აღნიშნავენ აქციის ორგანიზატოტები.

ფოტო: მირანდა გორდეზიანი

მათი მხარდასაჭერი აქცია გაიმართა, გუშინ, 10 ივნისს თბილისში. თბილისში ათასობით მოქალაქე გამოვიდა ქუჩაში. თეთრი ხმაურის მოძრაობის ორგანიზებით, დემონსტრანტები რუსთაველის მეტროსთან შეიკრიბნენ და მოგვიანებით, მსვლელობით, პარლამენტის შენობასთან გადაინაცვლეს.

Birja Mafia-ს წევრები, გიორგი ქებურიასა და მიშკა მგალობლიშვილს თბილისის საქალაქო სასამართლომ წინასწარი პატიმრობა შეუფარდა. მათ სამართალდამცავები დიდი ოდენობით ნარკოტიკული საშუალება MDMA-ს შეძენა-შენახვას ედავებიან. რეპერების თქმით, მათ ნარკოტიკი ჩაუდეს და რეალურად, მათზე შური იმ კლიპის გამო იძიეს, სადაც პოლიციელი გააშარჟეს. ბრალის დამტკიცების შემთხვევაში რეპერებს 8-დან 20 წლამდე ან უვადო თავისუფლების აღკვეთა ემუქრებათ.

დღეს, რამდენიმე წუთის წინ პროჯურატრამ განცხადება გაავრცელა. განცხადებაში ნათქვამია, რომ მგალობლიშილის და ქებურიას დაკავების დროს მტკიცებულებების შესაძლო გაყალბების საქმეზე გამოძიება დაიწყეს და მათ მიმართ აღკვეთის ღონისძიების სახით პატიმრობას აღარ მოითხოვენ.