ცოტა ხნის წინ გავლენიანმა გამოცემა The Rolling Stones-მა ექსკლუზიური სტატია გამოაქვეყნა, რომელშიც ადიდასისა და Yeezy-ის თანამშრომლები კანიე ვესტთან მუშაობის გამოცდილებაზე ჰყვებიან. ყოფილი თანამშრომლების თქმით, Yeezy-ის შეხვედრებზე კანიე თანამშრომლებს პორნოსა და თავისი და კიმ კარდაშიანის ინტიმურ ფოტოებსა და ვიდეოებს აყურებინებდა.

ყოფილი თანამშრომლების თქმით, ადიდასის მენეჯმენტს მსგავსი ინციდენტების შესახებ მიმართეს, თუმცა მათ "მორალური კომპასი გამორთეს" და პრობლემის გადასაჭრელად არაფერი გაუკეთებიათ.

თანამშრომლები აცხადებენ, რომ კანიე განსაკუთრებით აგრესიული ქალების მიმართ იყო და სექსუალური კონტექსტის შემცველ კომენტარებს მათ ხშირად უკეთებდა. თანამშრომლები თვლიან, რომ წლების განმავლობაში მიმდინარე ბულინგისა და შევიწროებისგან მათი დაცვა ადიდასს არ უცდია.

სტატიის გამოქვეყნების შემდეგ ადიდასის წარმომადგენლებმა განაცხადეს, რომ არ იციან, ბრალდებები რამდენად შეესაბამება სიმართლეს, თუმცა ამ საკითხს სერიოზულად ეკიდებიან და გადაწყვიტეს, გამოძიება დაიწყონ.

შეგახსენებთ, რომ ცოტა ხნის წინ ადიდასმა ანტისემიტური კომენტარების გამო კანიე ვესტთან თანამშრომლობა შეწყვიტა.

ამავე თემაზე:

კანიე ვესტის კარიერის დასასრული? — რა ხდება რეპერის თავს